ZAWHÂNA 1:39 - Mara Bible RV (BSI)

³⁹ Zisu ta ama hnohta, “A vy u la, nama hmô aw,” tah ta. Chatanachata vawh ei ta, a yna cha hmô ei ta, zâlâ dawh palih rachhôh a châ hapa vâta, cha noh cha a hnohta y ei ta.

ZAWHÂNA 1:39 ပူးပေါင်းရင်းမြစ်များ

BIESOZY 8:17

Kyh nâ pachâtuhpazy cha ama kyh pachâ na ta, Palôh hmeiseihpa ta nâ tluapazy ta eina hmô ei.

LUKA 24:29

Châhrasala thlyu ei ta, “Eima o liata tlô mah y, zâlâ ha ta, noh chhao a tla daihmâ ha hih,” tah ei ta. Chatanachata ama o liata tlô awpa ta a ngia ta.

ZAWHÂNA 1:38

Zisu cha a kei heih ta, ano ama vaw pazipa a hmô nahta, ama hnohta, “Khâpa nama tlua?” tah ta. Âmo ta, “Râbai, khataih liata na y?” tah ei ta. Râbai cha pachutuhpa tahna a châ.

ZAWHÂNA 1:40

Zawhâna bie reipa a theipa vâta, Zisu zituhpa pano hry liata pakha cha Saimaw Pity unawhpa Adaru a châ.

ZAWHÂNA 1:46

Nâthaniah ta a hnohta, “Nâzari khih tawhta hmo phapa a pua thei aw ma?” tah ta. Phili ta a hnohta, “A vy la, vaw moh teh,” tah ta.

ZAWHÂNA 4:40

Samâri chyhsazy cha Zisu lâ a vy ei ta, ama hnohta châh awpa ta a haw ei ta, cha liata noh no châh ta.

ZAWHÂNA 6:37

Paw ta eina piepa maih kei lâ amâ vy khai aw. Ahy rai kei lâ a vypa maih cha dytha cheita aw va na.

BIEPHUAH 3:20

Nathlie teh, ochhi thaby liata a duah na ta ei chakhyh. Ahy rai ei ao thei ta, ochhi a pahy khiahta cha, ano liata a ngia aw na ta, a hnohta pati nie aw na ta, ano chhao ei hnohta a nie hra aw.