“Kei ta rona châta ti ta cha bâti ei na ta, ei hnôhlâ ta a vy awpa deikua cha, keima hlâta rônah viapa châ ta, kei la a pheiky chaba tlâh chhao châ va na. Ano ta Thlahpa Pathaihpa nata mei ta a cha bâti aw ei.
Zawhâna ta âmo cha a chhy ta, “Kei ta la ti ta cha bâti ei na ta, châhrasala keima hlâta rônah viapa â vy hai, kei la a pheiky ri a pathlâ tlâh chhao châ va na. Ano ta la Thlahpa Pathaihpa nata mei ta a cha bâti aw ei.
Zawhâna cha ano a pahnokheituhpa châ ta, ano kyh liata, “‘Ei hnôhlâ ta a vypa cha, kei ei y hlâta a y hapa châ ta, keima hlâta rônah viapa a châ’, tahpa ta a thâtih ei reipa kha, he chyhsa he a châ,” tah ta.
Ano cha ahy ma a châ tahpa kei chhao ta pahno va na. Châhrasala ano cha Izarei ta a pahno thei nawpa ta a vy na ta, ti ta bâti ei cha pachâsa ei,” tah ta.
Chyhsa hluhpi ano lâ a vy ei ta, a hnohta, “Zawhâna khata hmonoâhpa tao leipa ta, châhrasala Zawhâna ta he chyhsa thâtih a reipa zydua deikua cha â do khai,” tah ei ta.