ZAWHÂNA 1:19 - Mara Bible RV (BSI)

¹⁹ Zuzy ta Zerusale tawhta theihthaipazy nata Livai sahlaozy tuah ei ta, Zawhâna hnohta, “Ahy na châ?” tahpa ta ama pahiahrisa nota, Zawhâna ta hetana heta reih ta.

ZAWHÂNA 1:19 ပူးပေါင်းရင်းမြစ်များ

ZAWHÂNA 1:7

Ano cha pahnokheituhpa châ awpa ta a vy ta, ano vâta chyhsa zydua amâ ngiapâ thei nawpa ta, khaihna a pahnokheituhpa châ awpa ta â vy.

ZAWHÂNA 10:24

Zuzy ta vaw chadô ei ta, a hnohta, “Khachâ ma noraihpa ta miah na soh aw? Mesia na châ khiahta cha, a siapa ta miah chho teh,” tah ei ta.

ZAWHÂNA 10:31

Zuzy ta alô a huah ei ta, Zisu cha vaw a chhuah heih ei ta.

ZAWHÂNA 11:19

Ama rilâhpa mâchhie ama sapa thlapalôh awpa ta, Zu chyhsa hluhpi Marthâ nata Mâri o lâ a vy ei ta.

ZAWHÂNA 2:18

Zuzy ta a hnohta, “He hmozy na taopa heta khâpa ngiana ma miah na pamosa?” tah ei ta.

ZAWHÂNA 2:20

Zuzy ta, “He o he kô sypalih nata kô charu sapa châ ta, nâ ta noh thôh chhôh ta na padua heih aw ma?” tah ei ta.

ZAWHÂNA 5:10

Zuzy ta a tlâh hapa hnohta, “Pahânoh a châ hih, na hmohphaw la awpa ta ryhpa ta pasaih vei,” tah ei ta.

ZAWHÂNA 5:15

Cha chyhsa cha sie ta, a patlâhtuhpa cha Zisu a châzie Zuzy kei chho ta.

ZAWHÂNA 5:16

Pahânoh ta cha hawhpa hmozy cha a taopa vâta, Zuzy ta Zisu cha taolapa ta, thie a chhuah ei ta.

ZAWHÂNA 5:18

Cha vâna chata Zuzy ta Zisu cha thie a chhuah via rili ei ta. Pahânoh a paraopa vâ dei châ leipa ta, Khazohpa cha “Ei paw” tah ta, Khazohpa tlu ta â taopa vâta a châ hra.

ZAWHÂNA 6:41

“Kei he vârâh tawhta viahchhâ a zâ chôpa cha ei châ,” a tahpa vâta Zuzy ta a chô liata paphôh ei ta.

ZAWHÂNA 6:52

Cha biezy vâta Zuzy cha âmo nata âmo a eichhia ei ta, “He chyhsa heta kheihta ma a sapa cha nie awpa ta miah a pie thei aw?” tah ei ta.

ZAWHÂNA 7:1

Cha khai tawhta Zisu cha Kâlili râh chahryh ta. Zuzy ta thie amâ chhuahpa vâta, Zudia râh deikua chahryh a chhuah vei.

ZAWHÂNA 7:11

Zuzy ta kyhchhina liata ano cha tlua ei ta, “Khataih liata a y haw?” tah ei ta.

ZAWHÂNA 7:15

Zuzy ta, “He chyhsa he, châ a chu beih tlôh leipa ta, kheihtazieta ma thaina he a hnei tly?” tah ei ta, ama noâh kaw ta.

ZAWHÂNA 8:22

Zuzy ta, “‘Ei sie nawpa lâ vaw sie thei aw veih ei chi,’ a tahpa he, anosasyh ta a thie awpa ma â chhuah tly?” tah ei ta.

ZAWHÂNA 8:48

Zuzy ta a chhy ei ta, a hnohta, “Samâri chyhsa châ chi ta, ahripa azopa na châ eima cha tahpa kha pado kaw ma pi ma?” tah ei ta.

ZAWHÂNA 8:52

Zuzy ta a hnohta, “Ahripa na châ tahpa tahmâ eima pahno haw. Abarahâ thi ta, hrohsopazy chhao thi ei ta, nâ deikua cha, ‘Chyhsa ta ei bie a zyh khiahta cha, thina padi beih aw vei,’ tah tlôh chi ta.

ZAWHÂNA 8:57

Zuzy ta a hnohta, “Nâ, kô sypangawh chhao a tloh mâh leipa chi ta, Abarahâ na hmô ha ma?” tah ei ta.

HMOTAOPAZY 13:25

A raihria a patlô chy ta, Zawhâna ta, ‘Ahy châ aw sah la eina pangiasa ei chi? Ano cha châ va na. Moh teh u, ei hnôhlâ ta chyhsa pakha â vy hai, kei la a pheiky ri a pathlâ tlâh chhao châ va na,’” tah ta.

HMOTAOPAZY 19:4

Pawla ta, “Zawhâna khata rona bâti pachâsa ta, a hnôhlâ ta a vy awpa Zisu a ngiapâ awpa ta chyhsazy a chho ei,” tah ta.

RYHPACHANEINA 24:8

“Phawhpa hri kyh liata, pakhâta ta tao aw ei chi ta, theihthaipa Livai chizy ta ama cha chhopa hawhta nama tao aw. Ama hnohta bie ei piepa hawhta, a sohsi ngaitapa ta nama tao aw.

1 ZAWHÂNA 1:5

He he ano tawhta bietapa eima theipa nata nama hnohta eima phuahpa cha a châ: Khazohpa cha khaihna châ ta, ano liata zohna rai y vei.