ZAWHÂNA 1:12 - Mara Bible RV (BSI)

¹² Châhrasala ano a pyhpa nata ano a ngiapâpa zydua cha, Khazohpa sawzy châ theina biehneina a pie ei.

ZAWHÂNA 1:12 ပူးပေါင်းရင်းမြစ်များ

2 SAMUELA 7:24

Chatanachata na phopi Izarei cha chhâzaw ta nâma phopi châ awpa ta padua chi ta, nâma tlai cha, Hy Abeipa, ama Khazohpa na vaw châ haw.

ISAI 56:5

Sawchapawzy nata sawchanôzy hlâta pha viapa ei pie aw ei; Atheithlâhna hmo nata moh phana zy Ei o chhôh liata pie aw ei na ta, Ei thokhyzy chhôh liata ei pie aw ei. Tlyzaw ta a y awpa moh pie aw ei na ta, Ama moh lei khao aw vei.

ZEREMIAH 3:19

“‘Ei sawzy hry liata cha pahlao na ta, Râh zydua hry liata râh ngia chaipa cha, Na ryuto ta ei cha pie. Chavâta “Ei Paw” tahpa ta na awpa ta, Eina zina tawh chi ta, Eina tleisai lei awpa chi ta ei pachâ.

HÔSIA 1:10

“Chatahrasala Izarei saw maluh cha rei tiah leipa nata panua tiah leipa tilaipi sadi zie hawhta châ aw ei ta, ‘Ei phopi châ veih ei chi’ tahpa ta ama awna su liata, ‘Khazohpa hrohpa sawzy nama châ’ tahpa ta awpa tlao ama châ ha aw.

MATHAI 10:40

“Ahy rai nâmo châ lypa cha keima nâ lypa châ ta, ahy rai kei nâ lypa cha nâ tuahtuhpa a lypa a châ.

MATHAI 12:21

Ano moh liata Zenitaizy ama hnabei a seih aw,” tahpa ta a reipa a vaw tlô thei nawpa ta a châ.

MATHAI 18:5

“Ahy rai ei moh ta he hawhpa hawti pakha chhao a lypa cha, keima nâ lypa a châ.

ZAWHÂNA 1:11

Ano chyhsazy lâ a zu ta, châhrasala a chyhsazy ta a ly veih ei.

ZAWHÂNA 1:7

Ano cha pahnokheituhpa châ awpa ta a vy ta, ano vâta chyhsa zydua amâ ngiapâ thei nawpa ta, khaihna a pahnokheituhpa châ awpa ta â vy.

ZAWHÂNA 11:52

Izarei phopi châta dei châ leipa ta, Khazohpa saw râh to liata hiepatlapazy hlao kha ta syhpahmaoh nawpa a châ hra.

ZAWHÂNA 2:23

Zawpakhô kyhchhi nota Zerusale liata y ta, hmonoâhpa a taopazy ama hmô nahta, chyhsa hluhpi ta a ngiapâ ei ta.

ZAWHÂNA 20:31

Zisu cha Mesia, Khazohpa Sawchapawpa châ ta, ngiapâna vâta ano moh ta hrona nama hnei thei nawpa ta, he châbu he ropa a châ.

ZAWHÂNA 3:18

Ahy rai ano a ngiapâpa cha thailei pachâsapa ta y aw vei. Ahy rai a ngiapâ leipa deikua cha, Khazohpa Sawchapaw matlupa moh â ngiapâ leipa vâta, tahmâ bawlawh ta thailei pachâsapa ta a y haw.

HMOTAOPAZY 3:16

Zisu moh ta, Zisu moh angiapâna ta he chyhsa nama hmôpa nata nama pahno tyhpa he a thapatlô ta, ano vâta ngiapâna a vaw ypa ta nama zydua mohmô liata a patlâh ha hih.

RAWMA 8:14

Khazohpa Thlahpa chhihthapa ta a ypa maih Khazohpa sawzy ama châ.

RAWMA 8:16

Cha Thlahpa tlai chata keimo thlahpa nata a kaopa ta, Khazohpa sawzy eima châ tahpa miah a pahnokhei.

RAWMA 8:19

Hmotaopazy ta Khazohpa sawzy aluahna daihti vâpa ta, ngiatiah leipa ta ama hâ thlâh haw.

KALATIA 3:26

Ngiapâna vâta, nama zydua ta Krista Zisu liata Khazohpa sawzy nama châ.

KALATIA 4:6

Sawchapaw nama châpa vâta Khazohpa ta a Sawchapawpa Thlahpa cha eima palôh chhôh liata za tuah ta, “Abba! Ei Paw!” tahpa ta a aw tyh.

KAOLAOSÂ 2:6

Chavâta Krista Zisu Abeipa namâ pyh ha tawhta cha, ano liata y u la,

2 PITY 1:4

Chatanachata a bietai sôh ngaitapa nata rônah ngaitapazy miah pie ta, chazy zawhzi ta moleina aohraohna vâta khizaw liata paraona a ypa cha a râsaipa ta, Khazohpa nôchâ a hlytuhpazy nama vaw châ haw.

1 ZAWHÂNA 3:1

Pachâ teh u, Paw ta kyh miah pachâna cha thata a châ kaw dia! Khazohpa sawzy ta miah a bie ha hih. Cha hawhpa cha eima châ tlai na. Khizaw ta Khazohpa a pahno leipa vâta, keimo chhao miah pahno veih ei.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.

1 ZAWHÂNA 3:2

Kho ngaitapa saih u, Khazohpa sawzy eima châ haw. Kheihta ma eima y aw tahpa deikua a lâ mâh vei. Châhrasala ano â vaw luah tita, ano hawhta eima y aw tahpa eima pahno. Ano cha a châna ualua ta eima hmô aw.

1 ZAWHÂNA 3:23

A biepipa cha he he a châ: A Sawchapawpa Zisu Krista moh a ngiapâ ta, bie miah a piepa hawhta kyh a pachâ raihriepa he a châ.