28 Ei pasataona zydua a chipa châ aw na ta, Thai na pachâsa aw va chi tahpa ei pahno.
Ei molei khiahta cha, Na moh chi ta, Ei paraona nâ ngiahthai khoh va chi.
Cha tita cha ei keih chakâpazy paki aw chi ta, Ei moleina deikua a laichadai khao aw va chi.
“Ei reipa chhao ta, Ei pasana a hua via hlei leipa ta; Maoh ei ohpa chhao ta, Ei pasana na siesai hlei vei.
Ei thei châh ta chi pathoh kaw tyh na ta, Ei pôhpa zydua â chatho khai ha tyh.
Ei chipa hmo ta na vaw tlô thlu ta, Ei ngiarohpa hmo ta eina tla thlu.
Châhrasala Khazohpa ta eina leih nawpa tlua ta, A chariahpa hawhta eina pachâ.
Khazia ei paraona a ngiahthai khoh leipa chi ta, Ei moleina na siekhei khoh vei? Dohlei liata ei zia bâ aw; Na tlua aw chi ta, Y khao aw va na,” tah ta.
“Na reipa cha â do tahpa ei pahno: Châhrasala chyhsapa heta, Khazohpa hmia liata kheihta thai a châ thei aw?
Ei pôhpa he nâma chipa ta a chalyu ta, Na pachianazy ei ngiaroh kaw tyh.
Hy Abeipa, paraonazy a ngia khai hapa châ la, Hy Abeipa, ahy a duah thei aw?
“Abeipa na Khazohpa moh na reih thlâhthli awpa châ vei. Abeipa ta a moh a reih thlâhthlipa cha thailei a pachâsa aw.