ZAWBÂ 9:24 - Mara Bible RV (BSI)

²⁴ Khizaw he moleipazy ku liata piepa châ ta, Pachiatuhpazy hmia a khu ha ei; Cha cha ano taopa a châ vei khiah, Ahy hropa ma a tao aw?

ZAWBÂ 9:24 ပူးပေါင်းရင်းမြစ်များ

2 SAMUELA 15:30

Dâvi cha Ôli Tlâh lâ khyna lâpi lâta khy ta, chana chôta sie ta, a luh a khu ta, phei ruapa ta sie ta. A hnohta a ypa chyhsa zydua chhao ama luh a khu chyupa ta khy ei ta, cha lymâna chôta sie ei ta.

2 SAMUELA 19:4

Abei cha a hmia a chahu ta, “Hy ei sawchapawpa Absalaw, Hy Absalaw y, ei sawchapawpa, ei sawchapawpa y!” tahpa ta aoh tlili ta cha ta.

ESTHERI 6:12

Cha khai tawhta Môdekai cha abei tlyh­mia lâ a vaw lie ta. Hâmâ deikua cha, a luh poh a khu ta, mâchhiesapa ta a o lâ a di ta.

ESTHERI 7:8

Abei cha abei sadô tawhta kresawhti ama dona su lâ a vaw lie ta, Estheri atyuna dyuchhai liata Hâmâ paopa cha hmô ta. Abei ta, “Ei mohmô nata ei o lia taihta beinô patupakhi â chhuah bâ he zaw,” tah ta. Cha bie cha abei pakah tawhta a puapa nahta, Hâmâ hmia cha khu ei ta.

ZAWBÂ 10:3

Tlybaipa pha tah chi ta, Nâma ku tlai ta na taopa mohnaopa ta, Moleipa ryhraona ma tlao pha na tah via haw?

ZAWBÂ 12:17

Ryhraotuhpazy thluahruapa ta pasiesa ta, Ryureituhpazy ahrupa ta a tao ei.

ZAWBÂ 16:11

Khazohpa ta moleipazy ku liata na hlâ ta, Hmoparaopazy ku liata eina thy.

ZAWBÂ 19:7

Moh teh u, ‘Thachahra hmâpa a châ!’ tahpa ta awh na ta, Châhrasala a chhypa châ va na, Na bao awpa ta awh na ta, Châhrasala adona taopa châ vei.

ZAWBÂ 22:8

Chyhsa thatlôpa ta râh hnei ta, Khokheipa chyhsa ta cha liata a pahrâ.

ZAWBÂ 24:12

Thi daihmâpazy ahrôna ao khihpi tawhta pua ta, Hmaphaohpa thlahpa cha baona vâpa ta â rôh. Châhrasala Khazohpa ta ahy hmah thailei pachâ vei.

ZAWBÂ 24:25

Cha hawhta châ vei sala, Ahy ma haipa ei reipa cha na pasia thei aw ta, Ei bie reipazy aruapa a châzie a chaluah thei aw?” tah ta.

ZAWBÂ 32:2

Châhrasala Buzi chyhsa Râmi pathla Barâkhe sawchapawpa Elihu cha a pathi thata ia ta. Khazohpa thaipachâ leipa ta ano tlao thai â pachâpa vâta, Zawbâ chô liata a pathi a ia ngaitapa a châ.

HLAZY 17:14

Hy Abeipa, cha hawhpa chyhsazy tawhta na ku ta na pachha la, Hro chhôh ta tovyuh a hneipa khizaw chyhsazy tawhta na pachha mah y. Ama chhi cha ryusôhpazy ta pabie chi ta, Palôhtlâhna taihta sawzy hnei ei ta, Ama hneinazy cha sawzy châta ama siesai tyh.

BIECHHOTUHPA 4:1

Pachâ via heih na ta, noh ry liata tlybaina zydua hmô na ta. Moh teh u, tlybaipa ta a ypazy cha mothlih chhaota y ei ta, thlah a palôh awpa hnei veih ei. Âmo a tlybaituhpazy cha hmotaotheina hnei ei ta, âmo deikua cha thlah a palôh awpa y veih ei.

ZEREMIAH 14:4

Râh liata vâsua rai y leipa ta, Chhaohlei a kai khai hapa vâta, Lyutaopazy nozapa ta y ei ta, Ama luh amâ khu.

DÂNIAH 4:17

He pachiana bie he vaituhpazy biepiepa ta taopa châ ta, biepathlupa he mo pathaihpazy bie ta taopa a châ. Chônôchaipa cha chyhsazy khinarâh chô liata ryu a reihpa châ ta, a pie khohpa hnohta khinarâh pie ta, chyhsa nawh chaipazy chhao a pabeisa thei ei tahpa chyhsazy ta ama pahno thei nawpa ta,’ tah ta.

MALAKHAI 2:17

Nama biezy ta Abeipa rie nama pathei kaw tyh. Châhrasala nâmo ta, “Kheihta ma Abeipa rie cha eima pathei,” nama tah. “Moleina hmo a taopa zydua Abeipa mohmô liata la pha khai ei ta, Abeipa ta â ly kaw ei na,” tah ei chi ta, “Adona Khazohpa cha khataih liata ma a y?” nama tahpazy liana heta Abeipa rie nama pathei haw.