ZAWBÂ 9:12 - Mara Bible RV (BSI)

¹² Pachâ tua, A râkhei ta, Ahy a pakhâ thei tly? Ahy ma, ‘Khâpa na tao?’ a tah thei tly?

ZAWBÂ 9:12 ပူးပေါင်းရင်းမြစ်များ

2 SAMUELA 16:10

Châhrasala abei ta, “Nâmo, Zeru sawchapawzy saih u, a chahraoh khoh khah u. Abeipa ta, ‘Davi chhiesapa teh,’ a tahpa a châ khiahta cha, chhiesa thlâh ha sa. Ahy ma, ‘Khazia kha hawhta na tao’ a tah thei aw?” tah ta.

ZAWBÂ 1:21

“Ei nô chhi tawhta Thluahruapa ta vaw pua na ta, Thluahruapa ta ei kua aw. Abeipa ta pie ta, Abeipa ta a la pakhua haw. Abeipa moh cha Reithaipa ta y mawh sy.”

ZAWBÂ 10:7

Thaileina ei hnei leizie pahno chi ta, Na ku tawhta nâ pachha awpa y veih ei tahpa Na pahno thlâh ha vei ma?

ZAWBÂ 11:10

A vaw chapia khiahta tlyma, Patâhna o liata a cha khô khiahta tlyma, Ryureina a aw khiahta tlyma, Ahy a pakhâ thei aw?

ZAWBÂ 23:13

Ano cha anano beih leipa châ ta, Ahy ma a palôh a pakuasa thei aw tly? A khopa cha a tao lymâ.

ZAWBÂ 33:13

Khazia ano cha chakhiapa ta, ‘Chyhsapa biezy la a chhy aw vei,’ na tah tly?

ZAWBÂ 34:29

Châhrasala â chalih ha khiahta cha, Ahy ma thailei a pachâsa thei aw? A hmia a nyu ha khiahta cha, Ahy ma a hmô thei aw? Phopi ta hmô thei leipa aw ta, Chyhsapa ta hmô thei hra aw vei.

BIECHHOTUHPA 8:4

Abei bie a bei chai ta, ahy ma a hnohta, “Khâpa ma na tao?” a tah thei aw?

ISAI 43:13

“Tlyzaw tawhta Khazohpa vaw châ ha na ta, Ei ku tawhta a pachha thei awpa ahy hmah y veih ei. Hmo ei tao hapa cha, Ahy ma a panano thei aw?” Abeipa ta a tah.

ISAI 45:9

“Ano a Taotuhpa a chakhiapa cha a hu a po na! Alei beihzy hry liata alei beih pachaipa a châ. Beihlei ta beihvituhpa hnohta, ‘Khâpa ma na tao? Na hmotaopa cha, A patuna ku hnei vei dua?’ a tah thei ma?

ZEREMIAH 18:6

“Hy Izarei pathlazy saih u, beihvituhpa taopa hawhna khata cha tao thei veih eina ma? Abeipa ta a tah. Hy Izarei pathlazy saih u, pachâ teh u, beihvituhpa ku liata beihlei hawhna khata, nâmo chhao ei ku liata nama y.

DÂNIAH 4:32

Chyhsazy hry tawhtapa papuapa ta y aw chi ta, na pahrâna cha râhsazy hry ta a châ aw. Viahchao hawhta sibiepa pabâsapa châ aw chi ta, na châta daihti mia sari a khô aw, Chônôchaipa ta chyhsazy khinarâh chô liata ryureih ta, a pie khohpa hnohta khinarâh cha a pie tyh, tahpa na pahno hlâlei cha,” tahpa ta.

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

MATHAI 11:26

A châ na, ei Paw, cha hawhpa cha na khopa châ tlôh ta.

MATHAI 20:15

Kei eih châ ta, kei eih cha ei khozie hawhta tao thei va na ma? Ei riaphapa ma na hiatlia kaw?’ tah ta.

RAWMA 11:34

Abeipa palôh ahy a pahno? Ahy ma ano ryhraotuhpa ta a y?

EPHESI 1:11

Keimo cha Khazohpa ryhraopa hawhta rao chhieliepazy châ pi ta, Krista liata Khazohpa ryutozy eima châ. Ano ta a khozie hawhta ryhrao ta, hmo to a tao.