ZAWBÂ 7:16 - Mara Bible RV (BSI)

¹⁶ Ei hro he eina ai kaw; Chhâzaw ta hro khoh va na. Ei nohzy he hu kha dei châ bâ ta, Chavâta keima y ta tlâ na paysa mah y.

ZAWBÂ 7:16 ပူးပေါင်းရင်းမြစ်များ

ÂTHAONA 27:46

Rebekâ ta Aisika hnohta, “Hiti chanôzy vâna heta, hro eina ai kaw. Zakaw ta âmo hawhpa Hiti chanô, he râh zuah he lapinô ta a hnei hra chhochhi khiahta cha, hro he ei châta khâpa a phahnai aw?” tah ta.

1 ABEIZY 19:4

Elaizâh cha râhchawhpa lâ noh kha sie via ta, ophi buh ry liata a tyuh ta, thi awpa ta hiah ta, “Â daih ha na, Hy Abeipa y, ei hrona he tahmâ la thlâh ha bâ mah y. Nâ pathlatuhpazy hlâta pha via hlei va na,” tah ta.

ZAWBÂ 10:1

“Ei hro he eina ai ngaita; Thata paphôh aw na ta, Ei palôh pasana ei reih tua aw.

ZAWBÂ 10:20

Noh chyhta dei ei hnei bâ hih. Nâ pasiesai chy la, Buakhata chhâ alyna hnei hra tua sah,

ZAWBÂ 14:6

A heihsai la, pahâsa mah y, Chatanachata ahlaopa hawhta, A noh â ly thei aw.

ZAWBÂ 6:9

Na physao khoh sala, A ku hypa ta na chhawh pachhô ha sala ei tah kaw dia!

ZAWBÂ 7:15

Chavâta rao hmiesaopa ta thi awpa a tlyh na ta, He hawhpa pôhpa hneipa hlâta la, Thi awpa tlao ei khoh via.

ZAWBÂ 7:7

“Ei hrona he ziza hawh dei a châ tahpa a thei mah y, Ei mo heta alyna hmô heih khao aw vei.

ZAWBÂ 9:21

Seina hnei leipa na ta, Châhrasala a pachâ hoh khao va na; Ei hro he eina ai kaw.

HLAZY 144:4

Chyhsapa cha hu ei kha sopa hawh dei châ ta, A hro chhôh nohzy cha nohpahli a lei tyhpa hawh dei a châ.

HLAZY 39:10

Ei hmahphaopa he na lapa ha mah y, Na kupathlana vâta ei rao khai ha hih.

HLAZY 39:13

Sie aw na ta hmô khao leipa ta ei y hlâta, Buakha chhâ ei ly heih thei nawpa ta, Hmô lei nâ pachâ chy mah y!”

HLAZY 39:6

A châ na, chyhsapa he la, Nohpahlipa hawh dei ta khizaw liata charei ta, Hraoleipa hmo liata a tymâpa ta, A chhâna lâta ahy ma a pakhy aw tahpa pahno leipa ta, Sôh hluhpi a pachô.

HLAZY 62:9

Mochyhpazy cha ei kha husopa hawh dei châ ei ta, Molaipazy chhao dôveina deita a châ; Khopathliahna liata a hua syulyu ha ei ta, Ama pano ta ei kha husopa hlâta amâ hua via.

HLAZY 78:33

Chavâta ama nohzy cha, Hu ei kha sopa hawhta a lei awpa ta tao ta; Ama kôzy chhao, China ta kô châh a padisa ei.

HLAZY 78:39

Chyhsapa deita ama châ tahpa a thei thlâh ha ta, Thlih khô ta a vaw kua khao leipa hawhta ama châpa â thei thlâh haw.

BIECHHOTUHPA 2:17

Chavâta hro he ei hao. Noh ry liata hmotaopa zydua he, ei pachâ nâ parôhtuhpa dei châ ei ta, ato zydua hraoleipa châ ei ta, thlih a chadaipa deita a châ.

ZEREMIAH 8:3

“Ei papaipatla hapa phopi moleipa laibâhpazy cha, ama pahrâna su lia maihta, hro awpa hlâta thi awpa tlao amâ tlyh via aw,” Pheisaihzy Abeipa ta a tah.

ZAWNA 4:3

Chavâta Hy Abeipa y, ngiachhiepa ta ei hrona he tahmâ keima tawhta la ha mah y, kei châta la hropa hlâta thipa tlao a pha via,” tah ta.

ZAWNA 4:8

Noh a vaw chhi nahta, Khazohpa ta nochhi thlih lalôhpa vaw tuah ta, Zawna cha nohsa ta a luh vawh ta, panao ha ta. Chavâta thi awpa ta hiah ta, “Kei châta la hropa hlâta thipa a pha via,” tah ta.