ZAWBÂ 5:7 - Mara Bible RV (BSI)

⁷ Chyhsapa cha a tymâ awpa ta vaw pih ta, Meihlih hawhta chô lâ â zaw syulyu tyh.

ZAWBÂ 5:7 ပူးပေါင်းရင်းမြစ်များ

ZAWBÂ 14:1

“Chanô sapa chyhsa châta la, Noh chyhta dei hnei ta, Cha chhao cha ngiarohna ta a bie.

ZAWBÂ 7:1

“Chyhsapa ta chakaona rupa lei liata hnei vei ma? A hro nohzy cha ahlaopa nohzy hawh dei châ vei ma?

HLAZY 90:10

Eima hro chhôh kôzy cha kô sysari châ ta, Thatlôna vâta kô sycharie chhao a châ thei; Châhrasala hro pasina cha hriapasana nata pachârôhna dei châ ta, Thlai lei ei ta, keimo chhao eimâ zaw syulyu tyh.

BIECHHOTUHPA 1:8

Hmo zydua riethei thachhâ chhihpa châ ei ta, Chyhsa ta rei tiah awpa chhao châ vei. Mokhaoh ta a hmo hmôpa liata a lôhrâ tlô leipa ta, Nakao ta a hmo theipa liata a rih bie vei.

BIECHHOTUHPA 2:22

Chyhsa ta tiamapa nata palôh rietheipa ta noh ry liata a hriapasana tawhta khâpa ma a hmô?

BIECHHOTUHPA 2:23

A hro chhôh noh zydua cha vâsâhna sai ta bie ta, a raihria chhao ruchhôna dei a châ. Zâ ta chhao a palôh a pahâ vei. Cha chhao cha hraoleipa deita a châ.

ZEREMIAH 20:18

Hriapasana nata pachârôhna a tyhpa ta, Nozapa ta ei hro chhôh nohzy hmâh awpa heta, Khazia ma chhi tawhta ei vaw pua tly?

1 KAWRINI 10:13

Chyhsa chô liata a tlô tyhpa reipasaonazy dei leipa ta cha, reipasaona hropa nama chô liata tlô beih vei. Khazohpa cha ngâchhihpa châ ta, nama pahnie lei awpa reipasaona namâ tyh awpa pasaih aw vei. Reipasaona nama pahnie thei nawpa ta, reipasaona raohpa ta a râ nawpa lâpi a cha taopa aw ei.