ZAWBÂ 5:22 - Mara Bible RV (BSI)

²² Paraona nata chakâhna zy pahneisao aw chi ta, Alei liata sahrâhpazy chi aw va chi.

ZAWBÂ 5:22 ပူးပေါင်းရင်းမြစ်များ

2 ABEIZY 19:21

He he Senâkeri kyh Abeipa ta a reipa bie a châ: “Zaio zuah laihsa kôpa ta Cha mohnao ta a cha pahneisao; Zerusale zuah ta A luh a cha chahuah chie.

ZAWBÂ 8:21

Na pakah cha pahneina ta pabie heih aw ta, Na hmao cha thaphapa ta awhna ta a pabie heih aw.

HLAZY 91:13

Chakeibarôhneipa nata vâzi zy tlypâ aw chi ta, Chakeibarôhneipa lochopa nata parihpi chhao, Phei ta na tlysao aw ei.

HLAZY 91:6

Zohna liata potlana a chareipa chi leipa aw chi ta, Nohchhô ta pahleipadiatuhpa chhao chi aw va chi.

ISAI 35:9

Cha lâpi liata cha, Chakeibarôhneipa y leipa aw ta, Sahrâhpa a vy aw vei; Chazy cha, cha liata hmô awpa y leipa aw ta, Chatlaipazy ta, cha lâpi cha amâ chhih aw.

ISAI 65:25

Changie nata mietakutaw zy Hmaohkha ta ama tlaih aw; Chakeibarôhneipa cha, Viahchao tôhpa hawhta sâhkô bâ aw ta, Dohlei cha parih pati a châ aw. Ei tlâh pathaihpa liata cha, A pasasa khao leipa aw ei ta, A parao khao aw veih ei,” Abeipa ta a tah.

EZEKIA 34:25

“Ama hnohta thlalôhna biehrai tao aw na ta, sahrâhpazy cha râh tawhta ei pahlei aw ei. Chatanachata râhchawhpa liata â bohpa ta pahrâ aw ei ta, râhmâhpa liata amâ mô thei aw.

HÔSIA 2:18

Cha noh liata, Râhsazy chô liata biehrai tao aw na ta, Vâ pavawzy chô liata biehrai ei tao aw; Alei liata âlyhpasazy chô liata chhao, Biehrai ei tao aw. Libaw nata zaozi nata adyuhna zy Râh tawhta pahlei khai aw na ta, Â bohpa ta ei paziasa aw ei.