ZAWBÂ 42:8 - Mara Bible RV (BSI)

⁸ Chavâta tahmâ viahchao tôhpa po sari nata mietaku tôhpa pô sari a chhipa ta, nâ chakaotuhpa Zawbâ lâ vawh u la, nâmo châta raopa hlâna kei hlâ muh vy. Nâ chakaotuhpa Zawbâ ta a reipa hawhta, ei thâtih â dopa ta reih leipa ei chi ta, châhrasala nâ chakaotuhpa Zawbâ ta thlah cha chhâpa aw ei ta, a thlahchhâna cha a pyh awh na ta, nama hruna hawhta nama chô liata hmo tao aw va na,” tah ta.

ZAWBÂ 42:8 ပူးပေါင်းရင်းမြစ်များ

ÂTHAONA 20:17

Abarahâ ta Khazohpa lâ thlahchhâ ta, Khazohpa ta Abimele nata a lapinô nata a seichanôzy cha patlâh heih ta, chatanachata sawzy sa heih ei ta.

ÂTHAONA 20:7

Chavâta tahmâ chyhsa lapinô kha pie pakhua ha mah y. A vahpa kha hrohsopa châ ta, thlah cha chhâpa aw ta, na hroh aw. Na pie pakhua leipa khiahta deikua cha, nâ nata na hneipa zydua chhaota na thi tlai aw tahpa pahno mah y,” tah ta.

1 THÂTIHZYRONA 15:26

Khazohpa ta a baopa vâ ei ta, Abeipa Biehrai Byh a sytuhpa Livai pathlazy ta viahchao tôhpa pô sari nata mietaku tôhpa pô sari ta atheihna hlâ ei ta.

2 THÂTIHZYRONA 29:21

Khinarâh nata supathaihpa nata Zudâh châta moleina hlâna châta viahchao tôhpa pô sari, mietaku tôhpa pô sari, mietakutaw pô sari nata mie tôhpa pô sari a vaw chhi ei ta. Chazy cha Abeipa maisâh liata hlâ awpa ta, Arawna sawchapawpa theihthaipazy hnohta biepie ta.

ZAWBÂ 1:5

Ama kyhchhina nohzy a pai nahta, Zawbâ cha a sawzy lâta chyhsa tuah ta, a pathaisa awpa ta a chho tyh ei. Ano chhao ta, “Ei sawzy ta moleina hmo taopa ta, ama palôh ta Khazohpa chô liata chhie ama vaw sa tlamaw thei,” tah ta, mydi kari ta thyu ta, a sawzy maluh kipa ta raopa hlânazy a hlâpa tyh ei. Cha hawhna chata Zawbâ cha tao tyh ta.

ZAWBÂ 1:8

Abeipa ta Sâtâ hnohta, “Nâ chakaotuhpa Zawbâ thâtih na pachâ beih ma? Alei chô liata ano hawhpa rai y veih ei. Ano cha seina hnei leipa, chyhsa dopa, Khazohpa a chipa nata moleina a heihsaipa a châ,” tah ta.

ZAWBÂ 22:30

Thailei a châpa taihta pachha aw ta, Na ku pathaihpa hmâpa ta a pachha aw,” tah ta.

ZAWBÂ 35:8

Na moleina cha nâ hawhpa chyhsa chô liata hria ta, Na siana chhao chyhsapa châta dei a phahnai.

ZAWBÂ 42:9

Chatanachata Temani chyhsa Eliphâ nata Suhi chyhsa Bildâ nata Nâmâ chyhsa Zôpha zy cha vawh ei ta, Abeipa ta bie a piepa hawhta kei tao ei ta, Abeipa ta Zawbâ thlahchhâna cha a pyh ta.

HLAZY 103:10

Eima moleinazy hawhta eima chô liata tao leipa ta, Eima paraonazy hawhta viari miah thô vei.

PUASAINA 18:12

Mawsi puhpa Zetharô cha raopa hlâna nata Khazohpa lâta atheihnazy vaw cheih ta, Mawsi puhpa hnohta Khazohpa hmiakô liata viahchhâ nie awpa ta, Arawna nata Izarei machâ zydua a vy ei ta.

ISAI 60:14

Pasa châ pataosatuhpa sawchapawzy cha, A bôhpa ta nâ lâ a vy aw ei ta; Châ mohnaotuhpa zydua chhao, Na phei thaby liata amâ bôh aw. “Abeipa Khihpi” cha tah aw ei ta, “Izarei Mo Pathaihpa Zaio Khihpi” ama cha tah aw.

ZEREMIAH 14:11

Abeipa ta hetana heta eina chho: “He phopi pha nawpa ta thlahchhâ khah y.

ZEREMIAH 15:1

Abeipa ta ei hnohta, “Mawsi nata Samuela chhao rai ei hmiakô liata a vaw duah hra ei sala, ei phopi lâ heta ei palôh a heih hlei aw vei. Âmo cha ei mohmô tawhta papua la, sie syulyu ha ei sa!

EZEKIA 14:14

chyhsa pathôh, Nôah, Dâniah nata Zawbâ zy hmahta râh chhôh liata y hra ei sala, ama siana vâta âmo hrona deita ama pachha thei aw, Abeipa Zehôvâh ta a tah.

EZEKIA 45:23

Kyhchhi noh sari chhôh zydua ta, Abeipa lâta raopa hlâna châta, seina hnei leipa viahchao tôh dawpa pô sari nata mietaku tôhpa pô sari noh chareih ta â chhuanoh lymâ aw. Moleina hlâna châta chhao, noh chareih ta mie tôhpa pô kha â chhuanoh lymâ aw.

MALUHREINA 23:1

Bâlâma ta Bâlâka hnohta, “He liata maisâh miasari na taopa la, viahchao tôhpa pô sari nata mietaku tôhpa pô sari nâ chhuanohpa teh,” tah ta.

MALUHREINA 23:14

Zôphi lyu liata Piskâ tlâh laki lâ a chhi ta, maisâh miasari tao ta, maisâh to liata viahchao tôhpa pô kha nata mietaku tôhpa pô kha lymâ hlâ ta.

MALUHREINA 23:29

Bâlâma ta Bâlâka hnohta, “He liata maisâh miasari na taopa la, viahchao tôhpa pô sari nata mietaku tôhpa pô sari nâ chhuanohpa teh,” tah ta.

MATHAI 3:17

Avâ tawhta ao ta, “He he ei Sawchapawpa kyh ei pachâ ngaitapa, a chô liata ei ly ngaitapa a châ,” tah ta.

EPHESI 1:6

A ngiachhiena rônahzie reithai awpa ta, saw châna cha a Kyhpachâpa liata a saipa ta miah a pie.

2 TIMAWTHY 4:14

Dawh leih thaipa Alezandâ kha thata nâ pasasapa a châ. Abeipa ta a hmotaopazy lymâ hawhta viari a thô aw.

HEBRAI 10:4

Viahchao tôhpazy nata miezy thisaih ta moleinazy pahlei thei rimâ awpa châ vei.

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

ZÂMIE 5:14

Nama hry liata tlâhleipa ama y ma? Awnanopa machâzy aw sala, âmo ta Abeipa moh ta sathaw thupa ta, ano châta thlahchhâ mawh ei sy.

ZÂMIE 5:16

Chavâta patlâhpa ta nama y thei nawpa ta, nama moleinazy reihpha a cheih raihrie u la, thlah a chhâkhei raihrie teh u. Chyhsa siapa thlahchhâna ta hmo rônahpa a tao tyh.

1 ZAWHÂNA 5:16

Chyhsa ta thina taih a châ leipa moleina a unawhpa taopa a hmô khiahta cha, thlah a chhâpa awpa a châ. Chatanachata thina taih a châ leipa moleina a taotuhpazy cha Khazohpa ta hrona a pie aw ei. Thina taih a châpa moleina y ta, cha hawhpa châta thlahchhâpa awpa ei tahpa châ vei.

1 ZAWHÂNA 5:6

Zisu Krista cha ti nata thisaih ta a vypa châ ta, ti dei ta châ leipa ta, ti nata thisaih ta â vy. Thlahpa cha biehmeiseihpa a châpa vâta, Thlahpa ta ano cha a pahnokhei.

BIEPHUAH 3:9

Moh teh, Sâtâ pakhyna o liata chyhsazy, Zu chyhsa hmeiseihpa châ tlôh leipa ta, haipa ta Zu chyhsa â tahpazy cha na phei thaby liata vaw pabôhsa aw ei na ta, kyh ei cha pachâ tahpa ama pahno aw.

1 SAMUELA 25:35

Dâvi ta Abikai vaw cheipa hmozy cha a ku tawhta a hlâh ta, a hnohta, “Thlalôhpa ta na o lâ a di mah y. Na ao thei na ta, na hiapa hlao ei cha patloh haw,” tah ta.