ZAWBÂ 42:11 - Mara Bible RV (BSI)

¹¹ A unawhpa nata a sietanô zydua nata kha hlâta a hmiapahnopa zydua ano lâ a vy ei ta, a o liata a hnohta pati dôh ei ta. Abeipa ta a chô liata hmo pha leipa a patlôsapa zydua vâta taokheipa ta a thlapalôh ei ta. Tâkâ nata ngôh kusadizy pie chyu ei ta.

ZAWBÂ 42:11 ပူးပေါင်းရင်းမြစ်များ

ÂTHAONA 24:22

Râraoseihpazy ti ama doh khai nahta, chakaotuhpa ta laihsa châta ngôh kâto sekel khophie a hripa nata a ku liata â ky awpa ngôh lâkyu miano sekel miahrawh a hripa pachhi ta,

ÂTHAONA 24:53

Chakaotuhpa ta tâkâ atobinazy, ngôh atobinazy nata chysiazy pachhi ta, Rebekâ cha pie ta. A rilâhpa nata a nô chhao hmo sôhpazy pie hra ta.

ÂTHAONA 37:35

A sawchapaw nata a sawchanô zydua ta ano thlapalôh awpa ta thyu ei ta. Châhrasala Zakaw ta ama thlapalôhna cha a pyh khoh leipa ta, “Châ vei, mâchhiesana chôta ei sawchapawpa hnohta Athihkhih lâ ei sie aw,” tah ta. Chatanachata a paw cha ano a ngiahpa ta cha tyh ta.

ZAWBÂ 16:5

Châhrasala ei pakah ta tlao tha cha patlô aw ei na ta, Ei hmao hnapangâhna ta nama pasana tlao a pahua aw.

ZAWBÂ 2:11

Zawbâ viasa pathôhzy ta Zawbâ chô liata hmo pha leipa a tla thlupa zydua cha ama thei nahta, Temani chyhsa Elipha, Suhi chyhsa Bildâ nata Nâmâ chyhsa Zôpha zy cha ama yna su chyu tawhta a vy ei ta. A pahrua ei ta, Zawbâ ama pasakheina palâsa ta thlapalôh awpa ta hmaohkha ta vaw tlô ei ta.

ZAWBÂ 4:4

Na biezy ta a hluahpazy pathyu ta, Pakhu thazeipazy tha na patlô tyh.

BIESOZY 14:20

Sipasapa cha a vaih chhao ta a hao ta, Hneirôhpa deikua cha viasa hluhpi a hnei.

BIESOZY 16:7

A hroziezy ta Abeipa a palysapa chyhsa cha, A chariahpazy taihta ano nata a ryh awpa ta Abeipa ta a taopa tyh.

ZAWHÂNA 11:19

Ama rilâhpa mâchhie ama sapa thlapalôh awpa ta, Zu chyhsa hluhpi Marthâ nata Mâri o lâ a vy ei ta.

RAWMA 12:15

Alypazy a lykhei u la, achapazy chakhei teh u.

1 KAWRINI 12:26

Pachiahpa miakha pasa a tao tita, pachiahpa zydua ta taokhei ei ta, pachiahpa miakha palyupalihpa ta a y tita, pachiahpa zydua ta amâ lykhei tyh.

HEBRAI 12:12

Chavâta nama bâh pathliahpazy chalo u la, nama pakhu thazeipazy thapatlô teh u.

HEBRAI 13:3

Patâhna o liata atâhpazy cha, ama hnohta patâhna o liata y hrapa hawhta a pachâ u la, a thei thlâh ha muh vy. Riethei pataosapazy chhao, sapa ta a ypa nama châ hrapa vâta, a thei thlâh ha teh u.

ZAWSUA 24:32

Izarei sawzy ta Izi râh tawhta Zawsi ru ama kaw phaopa kha, Sekhe khihpi liata Zakaw ta Sekhe paw Hamô sawzy liata tâkâ za kha ta a chaleipa su liata pabu ei ta. Cha cha Zawsi pathlazy ryuto râh a châ pâ haw.

1 SAMUELA 10:27

Châhrasala chyhsa dyutlaileipa thokhazy ta, “He chyhsa heta kheihta ma miah a pachha thei aw tly?” tah ei ta, ano cha khâpasaw ta reih leipa ei ta, hmosaipa chhao pie khoh veih ei. Châhrasala Sawla cha a thlih thlâh ha ta.