ZAWBÂ 40:12 - Mara Bible RV (BSI)

¹² Apalaipa maih tawpâpa ta panawh la, Moleipazy cha amâ duana su liata tlypâ mah y.

ZAWBÂ 40:12 ပူးပေါင်းရင်းမြစ်များ

ZAWBÂ 36:20

Phopizy zâ ta ama yna su tawhta ama leidia ty, Chavâta zâ a vaw tlô awpa tlaichhai hlei khah y.

HLAZY 60:12

Khazohpa chhaota riahphapa ta a dyuh aw pi ta, Ano tlai ta eima chariahpazy a tlypâ aw.

HLAZY 94:2

Hy khizaw pachiatuhpa y, thyu la, Apalaipazy amâ phuhpa hawhta viarithô mah y!

BIESOZY 15:25

Apalaipa o cha Abeipa ta parao ta, Nôhmei râhri deikua cha a pa-i tyh.

BIECHHOTUHPA 11:3

Meihdo cha vâsua ta a bie khiahta cha, Alei chô liata a za patlai tyh. Tho cha chho lâ tlyma, maw lâ tlyma a pao khiahta cha, A paona su liata â zawh tyh.

ISAI 10:6

Hraona sôh lapa ta, Ama hneipazy chhu ta, Khiliah chiatlao hawhta tlypâ awpa ta, Ano cha Khazohpa a pachâ leipa phopi lâ tuah na ta, Ei hie nâ pahâhpa phopi a dyuh awpa ta bie ei pie.

ISAI 13:11

“Khizaw he a moleina vâta hrie aw na ta, Moleipazy cha ama paraona vâta ei hrie aw ei. Akhotlâhpazy apapiparysana pachhâsa aw na ta, Nôchhiepazy apalaina ei panawhsa aw.

ISAI 2:12

A palaipa nata a khotlâhpa nata a pasâhsapa zy cha, Ama chô liata chhiena a patlôsa nawpa noh Pheisaihzy Abeipa ta hnei ta, Panawhpa ama châ aw.

ISAI 22:19

Na raihriana tawhta cha papua aw na ta, na châna tawhta pathlapa na châ aw.

ISAI 23:9

He hmo he Pheisaihzy Abeipa hmochhuahpa a châ. Amâ palaikheipa rônahna zydua papuapalei ta, Lei chyhsa zachhihpazy noh pazao nawpa ta, Pheisaihzy Abeipa ta tao â chhuahpa hmo a châ.

ISAI 63:3

“Keima dei ta kre saohna khaoh liata kre thei tly na ta, Phopizy hry tawhta pakha hmah ei hnohta y veih ei. Hiehâhpa ta tly ei na ta, Pathi iapa ta ei tlychheih ha ei. Chavâta ama hrona thisaih ei chysia liata a pie ta, Ei poh zydua a kia khai haw.

ZEREMIAH 48:29

Môabâ apalaina thâtih eima thei, Â vaw khotlâh chaimâh. Â pasâhsazie nata â palaizie thei pi ta, Â khotlâhzie nata a palôh laizie eima thei.

DÂNIAH 4:24

Hy abei y, he he a chhopasiana cha a châ: He he Chônôchaipa biepiepa châ ta, ei zibeipa, abei nâma chô liata a vaw tlôpa a châ.

DÂNIAH 4:37

Chavâta tahmâ, kei, Nebukaneza ta avâ Beipa cha reithai na ta, palyupalihpa ta, ei parônahsa. Avâ Beipa cha a hmotaopa zydua a do ta, a lâpizy sia ta, a palaipazy a panawh theipa a châ.

DÂNIAH 5:20

Châhrasala a palôh a pasâhsa ta, a pachâna pachyupa ta, â vaw palai nahta cha, â beina beidyuchhai tawhta pathlapa ta y ta, a rônahna pahluhpa a châ.

ZEKARIA 10:5

Adyuhna liata pasaiphazy hawhta châ aw ei ta, Ama chariahpazy cha, Khiliah chiatlao liata ama tlypâ aw. A dyuh aw ei ta, Abeipa ama hnohta a ypa vâta, Arâ pheisaihzy cha nozapa ta ama soh aw.

MALAKHAI 4:3

Cha hmozy ei tao noh liata cha, moleipazy tlypâ aw ei chi ta, nama pheipazah ry liata buchâh hawhta ama châ aw,” Pheisaihzy Abeipa ta a tah.

HMOTAOPAZY 1:25

Ano cha Zudâh ta tleisaipa ta ano khopa lâ a siesai hapa, he chakaona rai nata lyuhchâpa su a thla awpa a châ,” tah ei ta.

RAWMA 16:20

Thlalôhna Khazohpa ta Sâtâ cha nama phei ry liata a tlysao patoh aw. Eima Beipa Zisu Krista ngiachhiena nama hnohta y mawh sy.

1 SAMUELA 2:7

Thokha dyhchhiepa ta tao ta, Thokha hneirôhpa ta a tao. Thokha panawhsa ta, Thokha a pasâhsa.