ZAWBÂ 4:21 - Mara Bible RV (BSI)

²¹ Ama poh o rizy chhiepa châ ta, Sona hnei leipa ta thi tyh veih ei ma?’” tah ta.

ZAWBÂ 4:21 ပူးပေါင်းရင်းမြစ်များ

ZAWBÂ 18:21

Moleipazy pahrâna cha, cha hawhta châ aw ta, Khazohpa a pahno leipazy pahrâna su chhao, cha hawhta a châ aw,” tah ta.

ZAWBÂ 32:9

Kô hluhpa maihta soh hlei leipa ei ta, Machâpa maihta hmo dopa pahno hlei veih ei.

ZAWBÂ 36:12

Ama nathlie leipa khiahta deikua cha, Zaozi ta leidia aw ei ta, Pahnona hnei leipa ta ama thi aw.

ZAWBÂ 8:22

Châ haotuhpazy cha nozana ta tobipa châ aw ei ta, Moleipazy cha ama poh o y khao aw vei,” tah ta.

HLAZY 39:11

Chyhsapa cha a moleina vâta chhorei chi ta, A kho chaipa hmo chhao chhoma-u hawhta na niepa tyh. Chyhsa zydua he ei kha husopa hawh dei ama vaw châ tlai he! Selah

HLAZY 39:5

Ei hro nohzy he pazah tie deita ta tao chi ta, Na hmiakô liata la ei hro chhôh kôzy he khazie hmah châ vei. Chyhsapa hrona he la, Ei kha husopa hawh dei na a vaw châ. Selah

HLAZY 49:14

Mietakuzy hawhta Athihkhih châta raopa châ ei ta, Thina cha âmo vaituhpa châ aw ta, Chyhsa dopazy ta my ta ama chô liata ryu ama reih aw. Ama o rônahpazy siesai aw ei ta, Athihkhih ta ama piziezy a parao khai ha aw.

HLAZY 49:20

Chyhsapa cha hneirôh kaw hra sala, Novâhna a hnei vei khiahta cha, Sazy thipa hawhta a thi tyh.

BIESOZY 5:23

Pachuna a phahlapa vâta thi aw ta, A hru tupa vâta a leidia aw.

ISAI 14:16

Châ hmôpazy ta ama mo cha tawpâpa ta, Na thâtih patuapalua aw ei ta; ‘He chyhsa he alei chalyusa ta, Khinarâhzy chathosapa ta,

ISAI 2:22

Chyhsapa he ngâ khao khah y, A hnapasu liata husona a hneipa deita a châ hih; Pasâhsa kaw nawpa khâpa a hnei tly?

LUKA 12:20

Châhrasala Khazohpa ta a hnohta, ‘Ahrupa! Tazâ he na thlahpa lapa châ aw ta, na hmo hneipazy kha ahyzy ma a to aw ei?’ tah ta.

ZÂMIE 1:11

Noh vaw chhi ta, thata palo ta, sibiepa cha uah ta, a paw zô ta, â ngiana a lei tyh. Cha hawhna chata chyhsa hneirôhpa chhao, hneirôna a tluana lâpi liata a uah aw.