ZAWBÂ 38:28 - Mara Bible RV (BSI)

²⁸ “Khihti ta paw a hnei ma? Diatizy he ahy ma a sa?

ZAWBÂ 38:28 ပူးပေါင်းရင်းမြစ်များ

ÂTHAONA 27:28

Khazohpa ta avâ diati cha piepa ta, Lei phapa cha pie sala, Sâh nata kresawhti hluhpi cha pie mawh sy.

ÂTHAONA 27:39

A paw Aisika ta a chhy ta, a hnohta, “Pachâ teh, lei phapa nata a hlapa liata pahrâ aw chi ta, Chô lâ tawhta avâ diati nata a hlapa liata na pahrâ aw.

2 SAMUELA 1:21

“Nâmo Kibô tlâhpizy saih u, Nama tlâhzy liata pasaipha vyhphao papuapaleipa châ ta, Sawla vyhphao sathaw thupa a châ khao leipa vâta; Nama chô liata diati tla leipa sala, Vâsua tla hra leipa sala, Lyu ta kôvei papua khao khah sy!

1 ABEIZY 17:1

Kilia râh Tisabi khih liata Tisabi chyhsa Elaizâh ta Ahabâ hnohta, “Ei chakao tyhpa Abeipa, Izarei Khazohpa hrona reipa ta ei reih. Kô khazie chhôh tlyma cha ei bie leipa ta diati nata vâsua rai tla aw vei,” tah ta.

ZAWBÂ 29:19

Ei tharizy ti daih aw ei ta, Ei chiahzy liata azo zâ khihdei diati a y aw;

ZAWBÂ 36:27

Tihuzy avâ lâ sy ta, A ameih cha vâsua lâta a pathlaoh tyh.

ZAWBÂ 36:28

Cha cha avâ ta za patlai ta, Chyhsapa chô liata a hluhpi a za sua thlu tyh.

ZAWBÂ 38:8

“Chhi tawhta tilaipi a vaw pua no kha, Ahy ma a ochhi a khaw tly?

HLAZY 147:8

Ano ta avâzy khi meihdozy ta khu ta, Alei châta vâsua a chhuanohpa ta, Tlâhzy liata sibiepa a papyusa.

BIESOZY 3:20

A pahnona ta ti athupazy pasa ta, Meihdozy ta diati ama patlasa.

ZEREMIAH 10:13

A ao a papua nahta, Avâ liata ti pyuzy paro ta, Khizaw kaokih tawhta ameihzy a pathyu tyh. Vâsua châta dôhla pathliesa ta, A ryubyh tawhta thlih a pathlisa tyh.

ZEREMIAH 14:22

Pho hropa khazohzy hry liata, Avâ a pasuasa theipa ama y ma? Avâzy khi ta avâ ama pasuasa thei ma? Hy Abeipa eima Khazohpa, Avâ a pasuasa theipa cha nâ deita châ va chi ma? He hmo zydua he nâma taopa a châpa vâta, Nâma lia deita ta eima hnabeiseihna a y.

ZEREMIAH 5:24

‘A daihti ta avâ pasuasa ta, Chasipaw avâ nata châhvâ avâzy pasuasapa ta, Sâh hria daihti liata avâ a pahiasatuhpa, Abeipa eima Khazohpa cha chi ei suh u,’ Tahna châh ama palôh ta pahno vei.

HÔSIA 14:5

Izarei châta diati hawh châ aw na ta, Ano cha lilipaw hawhta pawh aw ta, Lebanaw tho hawhta thari a thla aw.

ZÔELA 2:23

“Hy Zaio sawzy saih u, Thaphapa ta y u la, Abeipa nama Khazohpa liata a ly teh u. Namâ dona palâsa nawpa ta, Abeipa ta khihti hmiatuapa cha pie ei ta, Nama châta khihti a paphasa ha hih; Hlâno daihti hawhna khata, Khihti hmiatuapa cha pie heih ei ta, Khihti hnôh chaipazy a cha pie heih ei hih.

AMÔSÂ 4:7

“Sâh hria daihti thla thôh a y chy nota, Vâsua cha pakhâpa ei na ta; Khihpi miakha liata avâ pasuasa na ta, Khihpi hropa liata avâ ei pakhâ; Lyu miakha ta avâ hmô ta, Avâ a hmô leipa lyu cha a chawh tyh.

MATHAI 5:45

Chatanachata nama Paw avâ liata a ypa sawzy nama châ aw. Ano cha chyhsa chhiepa nata phapa chô liata noh pachhisa ta, chyhsa siapa nata sialeipa chô liata chhao avâ a pasuasa tyh.

RYHPACHANEINA 33:13

Zawsi châta byhnâ awna: “Abeipa ta a râh byhnâ pie sala, Avâ hmo sôhpa diati patlasa sala, Alei ry lâta ti athupazy pie mawh sy.

RYHPACHANEINA 33:28

Chatanachata Izarei cha, Sâh nata kresawhti râh liata â bohpa ta ypa ta, Avâzy ta diati ama patlasana liata â bohpa ta y ta, Zakaw pahrâna cha thlalôhpa ta a y.