ZAWBÂ 38:22 - Mara Bible RV (BSI)

²² “Dâhaw sopakhyna liata nâ ngia beih ma? Pareih sopakhyna su na hmô beih ma?

ZAWBÂ 38:22 ပူးပေါင်းရင်းမြစ်များ

ZAWBÂ 37:6

Dâhaw hnohta, ‘Alei la tla teh,’ tah ta, Vâsua hnohta, ‘Avâ katlâ suah teh,’ a tah.

ZAWBÂ 38:23

Chazy cha nôpona daihti châta ei khaipa châ ta, Chariah adyuhna noh châta ei khaipa a châ.

ZAWBÂ 6:16

Chavah kao dâhaw tlo ta pavyh khai ta, Dâhaw chhao hmô theipa châ khao leipa ta, Châhrasala dâhaw tlo cha zao ta, A kua heih tyhpa chavah hawh ama châ.

HLAZY 135:7

Khizaw kaokih chhâna taihta meihdozy a pachhohsapa chhao ano châ ta, Ano ta vâsua châta dôhlazy tao ta, A hmo sopakhyna ozy tawhta thlih a pathlisa tyh.

HLAZY 147:16

Mietaku hmi hawhta dâhaw patlasa ta, Buchâh hawhta dâhaw a hiepatla.

HLAZY 147:17

Viahchhâ tlawhzy hawhta dâhaw tlozy za thy ta, Chasipa a vaw patlôsapa hmia liata, Ahy a duah thei aw?

HLAZY 33:7

Tilaipi tizy su kha ta pahmaoh ta, Ti athupazy cha hmosopakhyna suzy liata a sohpakhy.

PUASAINA 9:18

Moh teh, mylâ tahmâ daihti liata, Izi râh â vaw dua tua noh tawhta tahmâ taihta a y beih leipa pareih ru ngaitapa ei patlasa aw.

ISAI 30:30

Chatawhcha hiehâhna ru ngaitapa nata meipaleih a kâ ngâpa hry liata nata, thlihpi nata vâsua nata pareih hry liata, Abeipa ta a ao rônahpa cha thei thei awpa ta papua aw ta, a ku pathlapa cha hmô thei awpa ta a tao aw.

EZEKIA 13:11

Chavâta hlyu râhpa ta thokhy dadiehpa a chhiehruhpazy hnohta thokhy a cho awpa kyh chho mah y. Thokhy pacho awpa ta, avâ katlâ suah aw ta, pareih laipazy tla aw ta, thlihpipa ru ngaitapa a pathli aw.

EZEKIA 13:13

“Chavâta Abeipa Zehôvâh ta hetana heta a tah: Thokhy cha tlokhuh parao khai awpa ta, ei pathi iapa ta thlihpipa ru ngaitapa vaw pathlisa aw na ta, ei hiehâhpa ta avâ katlâ pasuasapa ta, ei pathi iapa ta pareih lai ngaitapa ei patlasa aw.

ZAWSUA 10:11

Izarei sawzy hmiakô tawhta a râpai ei ta, Behôrô chhutla ama chô hai nota, Abeipa ta avâ tawhta pareih laipa za patlasa ta, Azekâ tlôna taihta âmo cha daih lymâ ta, thata thi ei ta. Izarei sawzy ta zaozi ta ama thiepazy hlâ chhao ta pareih ta a daisaopa ama hluh via.

BIEPHUAH 16:21

Chatawhcha pareih lai ngaitapa, talent miakha hlei a hripazy chyhsa chô liata za tla ta. Potlana cha a rarôh y ngaitapa vâta, pareih potlana vâta Khazohpa chô liata chhiesa ei ta.