ZAWBÂ 37:6 - Mara Bible RV (BSI)

⁶ Dâhaw hnohta, ‘Alei la tla teh,’ tah ta, Vâsua hnohta, ‘Avâ katlâ suah teh,’ a tah.

ZAWBÂ 37:6 ပူးပေါင်းရင်းမြစ်များ

EZRÂ 10:13

Anodeikua zawpi he hluh tlôh pi ta, avâ hra ru ngaita ta, khôtho liata a duah thei khao ma pi. Cha kyh liata thata hmo vaw parao ha pi ta, chavâta cha hmo cha noh kha noh no ta tao thei awpa chi châ vei.

EZRÂ 10:9

Zudâh nata Benzami mo zydua noh thôh chhôh ta Zerusale liata a hmaohpakhy ei ta. Thla chakina, noh kihna noh ta amâ hmaohpakhy. Zawpi zydua cha Khazohpa o tlyhmia kawhpa liata a tyuh ei ta, cha biezy vâta nata vâsua ru ngaitapa vâta thata a chalyu ei ta.

ZAWBÂ 28:26

Vâsua châta ryhpa taopa ta, Tôkalôhpa dôhla châta lâpi a tao no khata;

ZAWBÂ 36:27

Tihuzy avâ lâ sy ta, A ameih cha vâsua lâta a pathlaoh tyh.

ZAWBÂ 38:22

“Dâhaw sopakhyna liata nâ ngia beih ma? Pareih sopakhyna su na hmô beih ma?

ZAWBÂ 5:10

Alei chô liata avâ pasuasa ta, Râh liata ti a palosa.

HLAZY 148:8

Mei nata pareih, dâhaw nata ameih zy saih u, Abeipa cha reithai u la; A bie a zyhpa thlihpizy saih u, Abeipa cha reithai teh u!

BIESOZY 28:3

Dyhchhiepa ta dyhchhie hropa a tlybai pachhuah heihpa cha, Vâsua ta nie awpa rai pahlôh leipa ta, Chichei a phy pathlah khai hapa hawhta a châ.

EZEKIA 13:11

Chavâta hlyu râhpa ta thokhy dadiehpa a chhiehruhpazy hnohta thokhy a cho awpa kyh chho mah y. Thokhy pacho awpa ta, avâ katlâ suah aw ta, pareih laipazy tla aw ta, thlihpipa ru ngaitapa a pathli aw.

EZEKIA 13:13

“Chavâta Abeipa Zehôvâh ta hetana heta a tah: Thokhy cha tlokhuh parao khai awpa ta, ei pathi iapa ta thlihpipa ru ngaitapa vaw pathlisa aw na ta, ei hiehâhpa ta avâ katlâ pasuasapa ta, ei pathi iapa ta pareih lai ngaitapa ei patlasa aw.

AMÔSÂ 9:6

Avâzy liata a ochô chhôhpadâhzy tao ta, Alei liata a o tôh a bô; Tilaipi tizy aw ta, Alei chô liata a patlaituhpa a châ; Ano cha a moh Zehôvâh a châ.