ZAWBÂ 37:23 - Mara Bible RV (BSI)

²³ Atotaotheipa cha hmô thei leipa pi ta, Ano cha hmotaotheina rônahpa a hneipa a châ; Adona nata siana hluhpi chhao hnei ta, Âdoleipa ta hmo tao beih vei.

ZAWBÂ 37:23 ပူးပေါင်းရင်းမြစ်များ

ZAWBÂ 11:7

“Khazohpa bienyupazy na pahno thei ma? Atotaotheipa chhâna na hmô thei ma?

ZAWBÂ 11:8

Avâ hlâta a sâh via ta, Nâ khâpa ma na tao thei? Athihkhih hlâta a thu via ta, Nâ khâpa ma na pahno?

ZAWBÂ 12:13

“Khazohpa liata sona nata thatlôna y ta, Ano cha ryhraona nata pahnona a hneipa a châ.

ZAWBÂ 25:2

“Khazohpa hnohta ryureina nata china y ta, Avâ sâhpa liata adyhna a tao.

ZAWBÂ 26:14

Moh teh u, hezy he a lâpi chyhta palâsapa dei châ ta, A bieparu chyhta eima theipa dei a châ. Chavâta a hmotaotheina tôkalôhpa chhochhi cha, Ahy ma a pahno thei aw?” tah ta.

ZAWBÂ 36:26

Pachâ teh, Khazohpa cha rônah ngaita ta, Keimo deikua ta pahno ma pi; A kô ziepa chhao reipati theipa châ vei.

ZAWBÂ 36:3

Ei pahnona he lâhlapi tawhta ei lapa châ ta, Nâ Taotuhpa cha siana ei patosa aw.

ZAWBÂ 36:5

“Pachâ tua, Khazohpa cha thatlôpa châ ta, Châhrasala ahy hmah mohnao leipa ta, Palôh thatlôpa nata a ipa a châ.

ZAWBÂ 37:19

“Ano liata eima rei awpa cha miah pachu mah y, Zohna vâta a pachâna eima pahno khao vei hih.

ZAWBÂ 37:22

Maw lâ tawhta ngôh rôh khaihpa za pua ta, Khazohpa cha rônah ngaitapa ta â tobi.

ZAWBÂ 8:3

Khazohpa ta ryureina dopa a pako beih ma? Atotaotheipa ta hmo dopa a pako beih ma?

ZAWBÂ 9:19

Tha hmâpa ta a tupa châ mawh sala, Pachâ tua, ano cha thatlôpa châ ta; Ryureina liata lyuhtuapa châ mawh sala, Ano cha ahy ma a aw thei aw tly?

ZAWBÂ 9:4

Ano cha a palôh so ta, Thatlô hmotaotheipa a châ. A chô liata kuh a pachha ta, Hlaotlohpa ahy ma a y?

HLAZY 145:3

Abeipa cha rônah ta, Rônahpa ta reithai awpa a châ; A rônahzie cha, A laichadai khai thei rimâ awpa châ vei.

HLAZY 30:5

A hiehâhna cha buakha châ deita châ ta, A khokheina deikua cha hro chhôh châta a châ. Zâ chhôh ta chana y hra sala, My ta alyna a vaw tlô tyh.

HLAZY 62:11

Khazohpa ta ei kha reih ha ta, He he ei no ei theina a châ: Hmotaotheina cha Khazohpa eih châ ta,

HLAZY 62:12

Hy Abeipa, ngâchhihna cha nâma eih a châ. Chyhsa to ama hmotaopa lymâ hawhta na thô tyh.

HLAZY 65:6

Na thatlôna ta tlâhpizy padua chi ta, Na hmotaotheina ta na pa-i.

HLAZY 66:3

Khazohpa hnohta, “Na hmotaopazy noâh a chhih ta, Na hmotaotheina a rônah kaw dia! Chavâta na chariahpazy a bôhpa ta nâ lâ amâ vy.

HLAZY 93:1

Abeipa ta ryureih ta, Abei poh ama pabu; Abeipa cha abei poh pabu ei ta, Thatlôna ta a chai â saih. Khizaw he pa-ipa châ ha ta, A chalyu beih aw vei.

HLAZY 99:4

Hy Bei thatlôpa, adona pasô chi ta, Thlua hlei hnei leina ryureina na padua haw; Adona ta ryureih chi ta, Siana ta Zakaw chô liata ryu na reih.

BIECHHOTUHPA 3:11

Ato ama daihti chyu liata â ngia ngaitapa ta taopa ta, chyhsapa palôh liata tlyzaw soh ta, châhrasala Khazohpa hmotaopa cha âthaona tawhta achhâna taihta pahno thei hlei vei.

BIECHHOTUHPA 7:24

Sona cha lâhlapi liata y ta, â pathu ngaitapa liata a ypa a châ. Ahy ma a hmô thei aw?

ISAI 45:21

Reih u la, nama bie cha a vaw duakhei teh u; A saohiah tua tlai ei sa! Khahlâ tawhta ahy ma a chhochhielie tyh? Hlâno tawhta ahy ma a phuah tyh? Kei, Abeipa he châ va na ma? Keima leipa ta khazoh hropa y veih ei; Kei he Khazohpa siapa nata Pachhatuhpa cha châ na ta, Keima leipa ta ahropa y veih ei.

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

EZEKIA 18:23

Moleipa thina cha ei lyna a châ hlei rai ma? A lâpi a heihsai sala, a hroh awpa cha, ei lyna tlao châ hri vei ma? Abeipa Zehôvâh ta a tah.

EZEKIA 18:32

Ahy thina liata hmahta a ly va na. Chavâta, a palie u la, hroh teh u,” Abeipa Zehôvâh ta a tah.

EZEKIA 33:11

Ama hnohta hetana heta reih teh: ‘Ei hrona reipa ta ei reih. Moleipa thina liata alyna rai hnei leipa na ta, moleipa ta a hrozie siesaipa ta a hroh awpa cha ei lyna tlao a châ. Nama hrozie pha leipa tawhta kua u la, kua ha teh u. Hy Izarei pathlazy saih u, khazia nama thi aw tly?’ Abeipa Zehôvâh ta a tah.

MATHAI 6:13

Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

LUKA 10:22

Ei Paw ta ato zydua eina hlâ haw. Paw dei leipa ta cha, Sawchapawpa he ahy ma a châ tahpa ahy hmahta pahno veih ei. Paw he ahy ma a châ tahpa chhao, Sawchapawpa nata Sawchapawpa ta ama hnohta phuah awpa ta â tlyhpazy dei leipa ta cha, ahy hmahta pahno veih ei,” tah ta.

RAWMA 11:33

Hy â thu kaw dia, Khazohpa hneirôna, Sona nata pahnona zy cha! A ryureinazy pahno thei awpa châ leipa ta, A lâpizy chathô thei awpa châ vei.

1 TIMAWTHY 6:16

Ano deita cha thi thei leina hnei ta, khaihpa a hnia thei rimâ leipa liata a pahrâ. Ano cha ahy hmah hmô beih leipa nata hmô thei leipa a châ. Khazohpa hnohta palyupalihna nata hmotaotheina chhâzaw ta y mawh sy. Amen.

HEBRAI 12:10

Lei liata eima pawzy ta daihti chyuta chhôh, pha ama tahzie hawhta miah chhorei ei ta, Abeipa deikua cha, eima pha nawpa ta tlao miah a chhorei tyh. Chatanachata a pathaihna eimâ hly thei aw.