ZAWBÂ 37:13 - Mara Bible RV (BSI)

¹³ Chyhsazy pado nawpa ta tlyma, A râh chhaohlei papha naw­pa ta tlyma, A kyhpachâna palâsa nawpa ta tlyma, Meihdozy cha a paysa tyh.

ZAWBÂ 37:13 ပူးပေါင်းရင်းမြစ်များ

2 SAMUELA 21:10

Aihza sawchanô Rizpâ cha latho poh la ta, lôpanô chô liata phaw ta, sâh hria a thao daihti tawhta cha liata y ta, avâ lâ tawhta avâ a vaw suana taihta y ta. Nohchhô ta vâ pavawzy ta lôpanô chô liata amâ cho awpa pasaih leipa ta, zâ ta lyurâhpa sazy ta a chô liata ama y awpa chhao pasaih hra vei.

2 SAMUELA 21:14

Sawla ruzy nata a sawchapawpa Zawnathâ ruzy cha Benzami râh Zelâ khih liata a paw Kisâ thlâ liata pabu ei ta. Abei biepiepa zydua tao lymâ ei ta. Cha khai tawhta cha, Khazohpa ta râh châta thlahchhâna cha chyh-ei ha ta.

1 ABEIZY 18:41

Chatawhcha Elaizâh ta Ahabâ hnohta, “Khy la, niepa ta doh mah y, vâkatlâ suah awpa pyu a y ha na,” tah ta.

1 ABEIZY 18:45

Buakha chhôh ta avâ cha thlih nata meihdo ta vaw zoh ta, vâkatlâ vaw suah ta. Ahabâ cha talailih liata kiah ta, Zezari khih lâ sie ha ta.

EZRÂ 10:9

Zudâh nata Benzami mo zydua noh thôh chhôh ta Zerusale liata a hmaohpakhy ei ta. Thla chakina, noh kihna noh ta amâ hmaohpakhy. Zawpi zydua cha Khazohpa o tlyhmia kawhpa liata a tyuh ei ta, cha biezy vâta nata vâsua ru ngaitapa vâta thata a chalyu ei ta.

ZAWBÂ 36:31

Cha hawhna chata phopizy chô liata ryureih ta, Niedo hluhpi a pie ei.

ZAWBÂ 37:14

“Hy Zawbâ y, he bie he nathlie la, A chalih la, Khazohpa hmotao noâhpazy pachâ tua rai.

ZAWBÂ 37:6

Dâhaw hnohta, ‘Alei la tla teh,’ tah ta, Vâsua hnohta, ‘Avâ katlâ suah teh,’ a tah.

HLAZY 65:10

Leipaliezy ti ta pabie chi ta, A lei byuhpazy paraihpa ta, Vâsua ti ta panaisa chi ta, Chicheizy byhnâ na pie tyh.

ZÔELA 2:23

“Hy Zaio sawzy saih u, Thaphapa ta y u la, Abeipa nama Khazohpa liata a ly teh u. Namâ dona palâsa nawpa ta, Abeipa ta khihti hmiatuapa cha pie ei ta, Nama châta khihti a paphasa ha hih; Hlâno daihti hawhna khata, Khihti hmiatuapa cha pie heih ei ta, Khihti hnôh chaipazy a cha pie heih ei hih.