ZAWBÂ 36:7 - Mara Bible RV (BSI)

⁷ Mosiapazy a heihsai leipa ta, Abeizy hnohta beidyuchhai liata chhâzaw ta patyusa ta, Cheihchalopa ta ama y.

ZAWBÂ 36:7 ပူးပေါင်းရင်းမြစ်များ

ÂTHAONA 23:6

“Ei zibeipa y, miah nathlie teh. Nâ cha eima hry liata bei thatlôpa châ chi ta, eima thlâsu pha chaipa liata na lapinô ri cha pabu mah y. Nâma lapinô ri pabu nawpa ta eima hry liata ahy hmah eima thlâ a pasaih leipa y ma pi,” tah ei ta.

ÂTHAONA 41:40

Ei o liata hyutuhpa ta y aw chi ta, na bie hawhta ei chyhsa zydua ama y khai aw. Beidyuchhai kyh lia deita ta nâma hlâta kei ei bei via aw,” tah ta.

2 THÂTIHZYRONA 16:9

Abeipa mo cha, ano lâta palôh tlokhuh a paheihpazy thatlôpa ta bao awpa ta, khizaw zydua a tawpâ thlâh ha mâh tâh. Hru kawpa ta hmo tao chi ta, tahmâ tawhta cha, chariah a dyuh awpa khâ na hnei aw,” tah ta.

ESTHERI 10:3

Zu chyhsa Môdekai cha Bei Ahasuarâ a pazipa châ ta, Zuzy hry liata chyhsa rônahpa a châ. A chiheihzy phana pachâpa ta, a chiheih zydua hnohta thlalôhna bie a reih tyhpa a châpa vâta, a unawh zasâh manôhzy ta ama pasâhsa ngaitapa a châ.

ZAWBÂ 1:3

Mietaku 7,000, râraoseihpa 3,000, a rao pakypa viahchao tôhpa 500, alâ chanôpa 500 nata chakaotuhpa hluhpi chhao hnei ta, nochhi chyhsa hry liata chyhsa rônah chaipa a châ.

ZAWBÂ 22:29

Khazohpa cha reisipazy a pachha tyhpa vâta, Panawhpa ama châ tita, ‘Apalaina vâta a châ,’ na tah aw.

ZAWBÂ 31:4

Ei lâpizy hmô ta, Ei phei chakâpa zydua a reih khai vei ma?

ZAWBÂ 4:7

“Pachâ tua, chyhsa dopa a leidia beih ma? Khataih liata ma mosiapa chhawh pathlahpa ta a y?

ZAWBÂ 42:12

Abeipa ta Zawbâ cha, a daihti hmiatuapa hlâta a daihti hnôhlâ liata byhnâ thata pie via ta, mietaku 14,000, râraoseihpa 6,000, viahchao tôhpa bao 1,000 nata alâ panô 1,000 a hnei.

ZAWBÂ 5:11

A nawhpazy pasâh ta, Mâchhiesapazy abohna su lâ a chalo tyh.

HLAZY 33:16

Abei cha a pheisaih hluh ngaitapa vâta pachhapa ta y leipa ta, Pasaipha chhao a thatlô ngaitapa vâta pachhapa ta y vei.

HLAZY 33:18

Moh teh u, Abeipa mo cha ano a chituhpazy chô liata khaih ta, A kyhpachâna tleih beih leipa hnabeiseihtuhpazy chô liata a khaih tyh.

HLAZY 34:15

Abeipa mo cha mosiapazy lâ a heih ta, Ama awna lâ a nah a pachôh tyh.

HLAZY 34:16

Moleina hmo a taotuhpazy cha, Âmo atheithlâhna alei tawhta pahlei awpa ta, Abeipa hmia ta â dyuh tyh ei.

HLAZY 41:12

Ei dona vâta nâ duakhei chi ta, Na hmiakô liata khâ eina paysa chi.

ISAI 22:23

Su a ipa liata khaipa siahkhai hawhta, ano cha pa-i aw na ta, a phopi châta beidyuchhai zachhihpa a châ aw.

ZEPHANIA 3:17

Abeipa na Khazohpa cha na hnohta y ta, Khazoh thatlôpa ta a cha pachha aw. Na chô liata a thapha aw ta, A palôh a tlâh aw; A kyhpachâna ta thlah cha palôh aw ta, Na chô liata â lyna hla a sa aw.’

2 THYSALAWNIKA 3:3

Châhrasala Abeipa cha ngâ a chhih ta, tha cha patlô aw ei ta, moleipa tawhta a cha pabohsa aw ei.

1 PITY 3:12

Abeipa mo cha mosiapazy chô liata y ta, Ama thlahchhâna lâ nah a pachôh tyh. Moleipazy deikua cha, Abeipa hmia ta â dyuh tyh ei.”

1 SAMUELA 2:8

Dohlei tawhta dyhchhiepa pathyupa ta, Buchâh tawhta phahlapazy chalo ta; Beimachâzy hnohta âmo cha patyusa ta, Palyupalihna beidyuchhai a patosa ei. Alei tôhzy he Abeipa eih châ ta, Alei tôhzy chô liata khizaw he a padua.