ZAWBÂ 36:14 - Mara Bible RV (BSI)

¹⁴ Thyutliapa ama châ nota thi ei ta, Achhyna o liata chapaw âzuahpazy hnohta ama hro a chhâ.

ZAWBÂ 36:14 ပူးပေါင်းရင်းမြစ်များ

ÂTHAONA 19:5

Lawta cha awsao ei ta, “Tazâ ta na o liata a vaw tlôpa chyhsazy kha khataih liata ama y? Âmo kha kaw papua teh, eima ykhei aw,” tah ei ta.

ZAWBÂ 15:32

A daihti a tlô hlâta uah aw ta, A chiah hro aw vei.

ZAWBÂ 22:16

Ama daihti hlâta siekheipa châ ei ta, Amâ bôna tisaih ta a phao hapa kha.

ZAWBÂ 36:13

“Palôh liata Khazohpa a hnei leipazy cha, Hiehâhna pachô ei ta; Bâlia ta a chahry no chhao ei ta, Baona hiapa ta awh veih ei.

HLAZY 55:23

Châhrasala Hy Khazohpa, Moleipazy cha leidiana khaohtlô liata pathla aw chi ta, Thisaih a palopa nata chyhsa a dôveipazy cha, Ama chhâ khophie chhao hroh aw veih ei. Kei deikua cha, nâ ei cha ngâ aw.

RYHPACHANEINA 23:17

“Izarei sawchanôzy hry liata nothlahpa achhyna o liata âzuahnô ta ama y awpa châ leipa ta, Izarei sawchapawzy hry liata chhao nothlahpa achhyna o liata âzuahpa ama y awpa châ vei.