ZAWBÂ 34:29 - Mara Bible RV (BSI)

²⁹ Châhrasala â chalih ha khiahta cha, Ahy ma thailei a pachâsa thei aw? A hmia a nyu ha khiahta cha, Ahy ma a hmô thei aw? Phopi ta hmô thei leipa aw ta, Chyhsapa ta hmô thei hra aw vei.

ZAWBÂ 34:29 ပူးပေါင်းရင်းမြစ်များ

2 SAMUELA 7:1

Abei cha a o liata pahrâ ta, a chheipâh chariah zydua tawhta apahâna Abeipa ta a pie nahta,

2 SAMUELA 7:11

Ei phopi Izarei chô liata ryureituhpazy ei raona daihti hawhna khata châ khao aw vei. Na chariah zydua tawhta ei cha pahâsa aw. Cha dei châ vei, Abeipa ta na pathlazy a cha paduapa aw tahpa ta Abeipa ta na hnohta a phuah.

2 THÂTIHZYRONA 20:30

Zehôsaphâ cha Khazohpa ta a chheipâh râh zydua tawhta apahâna a piepa vâta, a khinarâh cha sidiapa ta y ta.

ZAWBÂ 12:14

A phie ha khiahta cha, Ahy hmah paduapathi thei leipa aw ei ta; Chyhsa a khawhlôh ha khiahta cha, Ahy hmah pahy thei aw vei.

ZAWBÂ 23:13

Ano cha anano beih leipa châ ta, Ahy ma a palôh a pakuasa thei aw tly? A khopa cha a tao lymâ.

ZAWBÂ 34:28

Dyhchhiepazy awna ao a kô patlôsa ei ta, Phahlapazy awna ao a thei.

ZAWBÂ 34:30

Khazohpa a pahno leipa chyhsa cha ryu a rei awpa châ vei, Chataleipatala khoheih liata phopi â ao pathlei aw.

HLAZY 13:1

Hy Abeipa, khati taih ma a châ aw? Chhâzaw ta ma eina my aw chi? Khati taih ma na hmia eina nyusai aw chi?

HLAZY 143:7

Hy Abeipa, thlai na chyhei mah y! Ei thlahpa a panao ha hih! Na hmia na nyusai khah y, Chataleipatala khaohtlô lâ a zupazy hawhta ei y pathlei aw na.

HLAZY 27:9

Hy nâ bao tyhtuhpa y, Keima tawhta na hmia nyu leipa la, Châ chakaotuhpa he hiehâhpa ta na pakuasa khah y. Hy ei pachhana Khazohpa y, Na thy leipa la, na siesai khah y!

HLAZY 30:7

Hy Abeipa, na khokheina vâta, Ei tlâhpi cha thatlôpa ta paduasa chi ta; Na hmia na nyu ha tita deikua cha, Pachârôhpa ta ei y tyh.

HLAZY 94:10

Râhzy a chhoreituhpa ta hrie aw vei ma? Chyhsa a pachutuhpa ta pahnona â phahla aw ma?

HLAZY 94:13

Moleipa châta khaohtlô chaopa a châ hlâlei cha, Nôpona nohzy tawhta apahâna eina pie.

PUASAINA 33:14

Abeipa ta, “Ei ypâna nama hnohta sie aw ta, ei cha pahâsa aw ei,” tah ta.

ISAI 26:3

Hy Abeipa, a palôh nâ liata a sohpa cha, Nâ a cha ngâpa vâta, Vaih chi ta thlalôhpa ta na paysa tyh.

ISAI 32:17

Siana ta thlalôhna sa aw ta, Siana theilâpa cha, Chhâzaw sidiana nata hnangâhna a châ aw.

ZEREMIAH 27:8

“‘“Phopi kheihawhpa tlyma, khinarâh kheihawhpa tlyma ta Babylaw bei Nebukaneza cha chakao khoh leipa sala, Babylaw bei raopakypa â ky khoh leipa khiahta cha, Babylaw bei ku ta ei thie khai hlâlei ei cha, zaozi, chakâhna nata potlana zy hmâpa ta, cha phopi cha ei hrie lymâ aw,”’” Abeipa ta a tah.

EZEKIA 34:15

Keima tlai ta ei mietakuzy cha pasa aw na ta, ei pabyusa aw ei, Abeipa Zehôvâh ta a tah.

ZAWHÂNA 14:27

Thlalôhna cha sopa ei na ta, keima thlalôhna ei cha pie ei. Khizaw ta a piepa hawhta cha pie veih ei na. Nama pathipalôh nôpo leipa sala, chi hra khah sy.

PHILIPI 4:7

Chatanachata Khazohpa thlalôhna, novâhna zydua hlâta sôh viapa ta nama palôh nata nama pachânazy cha Krista Zisu liata a cha vaipa lymâ aw ei.