ZAWBÂ 34:20 - Mara Bible RV (BSI)

²⁰ Eikhapi ta thi ei ta, Zâcho ta a chalyu ei ta chyhsazy ama khô; Thatlôpazy chhao lapa ama châ, Chyhsa ku ta deikua châ vei.

ZAWBÂ 34:20 ပူးပေါင်းရင်းမြစ်များ

ZAWBÂ 12:19

Theihthaipazy thluahruapa ta pasiesa ta, Thatlôpazy a pabâ ei.

ZAWBÂ 27:20

Chichhihna ta tisaih hawhta tlô thlu ta, Khisô ta zâ ta a siekhei haw.

ZAWBÂ 34:25

Ama hmotaopazy pahno ta, Âmo cha zâ ta parao ta, A chanaoh khai ei.

ZAWBÂ 36:20

Phopizy zâ ta ama yna su tawhta ama leidia ty, Chavâta zâ a vaw tlô awpa tlaichhai hlei khah y.

HLAZY 73:19

Kheihtazie ta ma sôkha ta pahleipadiapa châ ei ta, Hmo chichhihpazy ta a phaoh pathlah thlâh ha ei tly!

ISAI 30:13

Cha moleina cha, Nama châta thokhy a sâhpa liata a pyupa hawhta châ aw ta, A kei laih lymâpa hawhta a châ aw; Eikhapi ta pao ta, Movi hlâta a pao hapa hawhta a châ aw.

ISAI 37:36

Abeipa vâlyuhchâpa cha pua ta, Asuria mo riehmo liata pheisaih 185,000 thie ta. Asuria pheisaihzy cha mydi kari ta ama thyu nahta, moh teh u, riehmo cha athihpa ri ta bie thlâh ha ta.

ISAI 37:38

Noh kha cha a khazoh Nisrô o liata khazoh â chhy hai nota, a sawchapawpa Adarâmele nata Sareze ta zaozi ta chhawhsao ei ta, Ararâ lâ ama râ hapa vâta, a sawchapaw hropa Esâhadô ta ano su liata â bei haw.

ISAI 40:23

Ano cha beimachâzy khâpa hmah châ leipa ta a taotuhpa châ ta, Lei liata ryureituhpazy aruapa ta a sohtuhpa a châ.

DÂNIAH 2:34

Na mo thlâh ha nota, alô miakha cha chyhsa ku ta chakhiapa châ leipa ta ano kho tlai ta zâ chakhia ta, cha chata thua nata beihlei ta taopa nothlahpa phei cha za vi ta, a pazao khai haw.

DÂNIAH 5:30

Cha zâ liana tlai chata Kaldia bei Belsâza cha thiepa châ ta,

DÂNIAH 8:25

A piehpiena ta a ku ry liata dôveina palaiseihsa aw ta, a palôh liata anosasyh ta a chaipa ta a pachâ aw ta, chyhsa hluhpi a bohpa ta amâ pachâ nota âmo cha pahleipadia aw ta, beizy Beipa chhao â dyuh aw. Châhrasala ano cha pahleipadiapa a châ aw, chyhsapa ku ta deikua châ aw vei.

ZEKARIA 4:6

Ano ei hnohta: “He he Zerubâbe châta Abeipa bie a châ: ‘Thatlôna vâta châ leipa ta, biehneina vâta châ hra leipa ta, ei Thlahpa ta tlao châ mawh sy,’ Pheisaihzy Abeipa ta a tah.

MATHAI 25:6

Zâcho ta, ‘Moh teh u, myuhneituhpa cha â vy haw! Dy awpa ta pua teh u,’ tahpa ta awhpa pyu vaw y ta.

LUKA 12:20

Châhrasala Khazohpa ta a hnohta, ‘Ahrupa! Tazâ he na thlahpa lapa châ aw ta, na hmo hneipazy kha ahyzy ma a to aw ei?’ tah ta.

HMOTAOPAZY 12:23

Herawda cha Khazohpa hnohta palyupalihna a pie leipa vâta, eikhapi ta Abeipa vâlyuhchâpa ta vaw tu ta, alôpa ta nie ta, thi ha ta.

1 THYSALAWNIKA 5:2

Abeipa Noh cha zâ ta parutuhpa hawhta a vaw tlô aw tahpa nâmo tlai ta a sia kawpa ta nama pahno.

2 PITY 2:3

Sôh tlaichhaina vâta haipa biezy reih aw ei ta, sôhpalie nawpa ta ama cha hmâh aw. Ama thaileichâna cha hlâno tawhta y chakhyh thlâh ha leipa ta, ama leidiana chhao a mô vei.

1 SAMUELA 26:10

Dâvi ta, “Abeipa hrona reipa ta ei reih, Abeipa ta a chô liata ku a pathla aw. Cha hawhta a châ leipa chhao ta, a thina noh vaw tlô thei ta, adyuhna lâ sie aw ta a leidia thei hra.