ZAWBÂ 33:29 - Mara Bible RV (BSI)

²⁹ “Pachâ teh, cha hmo zydua cha Khazohpa ta tao ta, Ei no ei thôh taihta chyhsapa chô liata a tao.

ZAWBÂ 33:29 ပူးပေါင်းရင်းမြစ်များ

2 ABEIZY 6:10

Izarei bei ta Khazohpa chyhsa ta a chhopa su cha chyhsa kei pamo pathlisa tyh ta. Cha hawhna chata zikyu a râ tyh ta. Chatanachata Izarei bei cha, ei kha ei no dei châ leipa ta, ei hluhpi â pabohsa haw.

ZAWBÂ 40:5

Ei kha reih ha na ta, Châ chhy khao aw va na; Ei no ei reih haw, Pazao khao aw va na,” tah ta.

1 KAWRINI 12:6

Raihria chi hluhpi y ta, Khazohpa deikua cha pakha a châ. Chyhsa to hnohta ama raihria châ chyu ta hmotaotheina a pie ei.

2 KAWRINI 12:8

Cha kyh liata, ahloh ta eina puasai thei nawpa ta ei thôh tlai Abeipa hiah na ta.

2 KAWRINI 5:5

Cha châta miah pachhuapanohtuhpa cha Khazohpa châ ta, a bietai pa-i nawpa ta a Thlahpa miah a pie.

EPHESI 1:11

Keimo cha Khazohpa ryhraopa hawhta rao chhieliepazy châ pi ta, Krista liata Khazohpa ryutozy eima châ. Ano ta a khozie hawhta ryhrao ta, hmo to a tao.

PHILIPI 2:13

Ano alynazie tlaichhai ta, a khopa tao awpa ta, nâmo liata hriatuhpa cha Khazohpa a châ.

KAOLAOSÂ 1:29

Cha châna chata hriapasa na ta, kei liata thatlô ngaitapa ta a hriatuhpa thatlôna zydua hmâpa ta ei tei lymâ.

HEBRAI 13:21

a khopa nama tao thei nawpa ta hmo pha to ta cha tobi ei sala, a mohmô liata â lynazie ta nama y lymâ thei nawpa ta, Zisu Krista zawhzi ta nâmo liata hria lymâ sala, Zisu Krista hnohta chhâzaw nata tlyzaw ta rônahna y mawh sy. Amen.