ZAWBÂ 31:34 - Mara Bible RV (BSI)

³⁴ Zawpizy chi ngaita aw na ta, Ei chhôhkhazy mohnaona ta ei thlah eina pazo awpa vâta, A chalih aw na ta khô pua ngâh aw va na.

ZAWBÂ 31:34 ပူးပေါင်းရင်းမြစ်များ

2 THÂTIHZYRONA 32:18

Khihpi ama la thei nawpa ta, thokhy chô liata a ypa Zerusale khihsawzy cha, Asuria pheisaihzy ta Zudâh reih ta ao paro ngaitapa ta awsao ei ta, pachhiparypa ta pachisa ei ta.

NEHEMIAH 13:28

Theihthai beichaipa Eliasi sawchapawpa Zehôdâ sawchapawpa pakha cha, Hôrô chyhsa Sanbâlâ piahpa châ ta. Chavâta ano cha keima tawhta ei papua haw.

NEHEMIAH 5:7

Kei nata kei ta a chhohia na ta, nôpawpazy nata ryureituhpazy maochhie ei na ta, ama hnohta, “Nama unawhzy tawhta apôhna la ei chi ta,” tah na ta, ama thâtih pachâ awpa ta zawpi awpakhy na ta,

ESTHERI 4:11

“Bei chakaotuhpa zydua nata abei râhzy liata chyhsa zydua ta, ahy rai, chanô chhao, chapaw chhao, aw leipa ta abei chhôhpadâhpa chhôh chaipa lâ a ngiapa cha, ryhpa miakha deita y ta, thie awpa a châ. Abei ta ano lâta ngôh chôchahrei a chaluahpa deita a hroh tyh tahpa ama pahno khai. Kei he abei ta noh sythôh chhôh na aw khao vei,” tahpa ta.

ESTHERI 4:14

He hawhpa daihti liata nâ chalih thlâh ha khiahta cha, Zuzy châta abohna nata pachhana su hro lâ tawhta vaw tlô aw ta, nâ nata na paw chhôhkhazy deikua cha nama leidia aw. Beinô na châpa he, he hawhpa daihti châta châ vei tahpa ahy a reih thei aw?” tahpa ta.

ZAWBÂ 22:8

Chyhsa thatlôpa ta râh hnei ta, Khokheipa chyhsa ta cha liata a pahrâ.

ZAWBÂ 34:19

Abeisawzy khokhei via hlei leipa ta, Dyhchhiepa hlâta dyhphapa hmia a moh via hlei leipa châ vei ma? Ama zydua ta ano kuzô sai châ veih ei ma?

PUASAINA 23:2

Hmo moleipa taona liata zawpi na zi awpa châ leipa ta, biepeipa pachiana liata bie pahnotuhpa ta nâ dua tita, ryureina dopa tleisai awpa ta zawpi na zi awpa châ vei.

PUASAINA 32:27

Mawsi ta ama hnohta, “Zehôvâh, Izarei Khazohpa ta hetana heta a tah: ‘Chyhsa to nama zaozi phia u la, riehmo chhikao to liata a ngia u la, nama unawhzy, nama ylâhpazy, nama vaihzy thie teh u,’” tah ta.

BIESOZY 29:25

Chyhsapa cha a china ta anosasy khoheih a chôkhâh ta, Abeipa a ngâtuhpa deikua cha â boh aw.

ZEREMIAH 38:16

Bei Zedekia ta Zeremiah cha arulâta bie a taih ta, a hnohta, “Eima hrona a taotuhpa Abeipa hrona reipa ta ei reih, cha thie leipa aw na ta, thie châ chhuahpa chyhsazy ku liana chhao he cha hlâ aw va na,” tah ta.

ZEREMIAH 38:19

Bei Zedekia ta Zeremiah hnohta, “Kaldia mo ta âmo a bai hapa Zu chyhsazy ku liata na hlâ aw ei ta, Zu chyhsazy ta nôchhie kawpa ta eina taola aw ei, tahpa ei chipa vâta a châ,” tah ta.

MIKÂ 7:3

Ama kuzy ta moleina hmo taopa a saomâ kaw ta, Beimachâ nata ryureituhpa zy ta Panaopapana amâ hnaw; Molaipa ta a palôh ta moleina hmo a tao khohpa reih papua ta, Cha hawhna chata ama patipatyh khoh tyh.

2 KAWRINI 5:16

Chavâta tahmâ tawhta la, chyhsapa mo ta ahy hmah moh khao ma pi. Chyhsapa mo ta Krista kha vaw moh ha hra sih la, tahmâ cha cha hawhta moh khao ma pi.