ZAWBÂ 31:28 - Mara Bible RV (BSI)

²⁸ Cha chhao cha ryureituhpazy ta ama hrie thlyu awpa moleina a châ, Chô Khazoh chô liata ngâchhih leipa ei châ awpa vâta.

ZAWBÂ 31:28 ပူးပေါင်းရင်းမြစ်များ

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

2 SAMUELA 3:32

Abane cha Hebraw liata pabu ei ta. Abei cha Abane thlâ liata aoh tlili ta cha ta, zawpi zydua chhao cha ei ta.

ZAWBÂ 23:7

Cha liana cha chyhsa dopa ta a hnohta bie a duakhei aw ta, Nâ pachiatuhpa ta chhâzaw châta thai eina pachâ ha aw.

ZAWBÂ 31:11

Cha cha moleina pasichhihpa châ ta, Ryureituhpazy ta ama hrie thlyu awpa moleina a châ.

ZAWBÂ 31:27

Ei palôh arulâta reipasaopa ta ypa ta, Ei hmao ta ei ku a vaw pahnâ ha khiahta cha;

ZAWBÂ 9:15

Ei do thlâh hapa chhao ta, A chhy thei va na; Nâ pachiatuhpa cha, Ngiachhiena ei haw awpa tlao a châ.

HLAZY 50:6

Avâzy ta a siana phuah ta, Khazohpa ano tlai cha pachiatuhpa a châ. Selah

BIESOZY 30:9

Chataleipatala lôhrâtlôpa ta y aw na ta, “Abeipa cha ahy ma a châ?” tahpa ta, Ei châ paphasai pathlei aw na. Dyhchhiepa ei châ khiahta cha paru aw na ta, Khazohpa moh ei pachhie pathlei aw na.

ISAI 59:13

Hmoparaopa ta Abeipa a paphasai pi ta, Eima Khazohpa eima pazipa eima kuasai tyh; Tlybaina nata adyuhna biezy reih pi ta, Eima palôh ta haipa saw phaoh ta, Chazy cha eima reihpapua tyh.

RYHPACHANEINA 17:9

Cha daihti liata Livai chi theihthaipazy nata ryureituhpazy lâ vawh aw ei chi ta, ama hnohta nama tlôkhei aw. Âmo ta bietluna ama cha chho aw.

TITU 1:16

Khazohpa pahno a tah ei ta, châhrasala ama hmotaopazy ta Khazohpa cha amâ paphasai. Pasichhihpa nata reingiah leipa châ ei ta, hmopha tao awpa ta khâpa kyh liata hmahta a tlâh a châ leipazy ama châ.

HEBRAI 12:23

Vârâh liata moh ropa sawchapaw uhtheipazy yna Awnanopa lâ a vy ei chi ta, mo to pachiatuhpa Khazohpa nata phapakipa ta taopa mosiapa sahlao thlahpazy lâ namâ vy.

ZAWSUA 24:23

Zawsua ta, “Chata a châ khiahta cha, nama hry liata chihropa khazoh a ypazy kha thy khai u la, Abeipa Izarei Khazohpa lâta nama pathipalôh pahei teh u,” tah ta.

ZAWSUA 24:27

Zawsua ta zawpi zydua hnohta, “Moh teh u, he alô he miah pahnokheituhpa a châ aw. Abeipa ta eima hnohta bie a reipa zydua thei khai ta, chavâta nâmo châ pahnokheituhpa a châ aw. Chataleipatala nama Khazohpa cha namâ paphasai pathlei aw,” tah ta.

2 PITY 2:1

Chyhsazy hry liata hrohso pakheipazy ama vaw pua tyhpa hawhta, pachutuh pakheipazy chhao nama hry liata ama vaw pua aw. Âmo chatlaituhpa Abeipa tlai cha a paphasaipa ta, chyhsa a parao theipa pachuna do leipazy arulâta a vaw ngiakhei aw ei ta, âmosasyh ta ama chô liata raona thlai ama patlôsa aw.

1 ZAWHÂNA 2:23

Sawchapawpa a pyh leipa cha Paw hnei vei. Sawchapawpa a pyhpa cha Paw chhao a hnei.

ZUDÂH 1:4

Chyhsa thokha, kha hlâ tawhta thaileichâ awpa ta rao chiehpazy arulâta amâ vaw ngia. Cha chyhsazy cha Khazohpa a uasa leipazy châ ei ta, eima Khazohpa ngiachhiena cha parâna châta hmâh ei ta, eima Hyutuhpa nata eima Beipa hnei chhôhpa Zisu Krista a paphasaipazy ama châ.

RYUREITUHPAZY 11:27

Chavâta na chô liata hmo khâpa hmah parao va na, nâma ta einâ dyuhpa vâ chi ta, ei chô liata hmo tlao na parao hih. Abeipa, Ryureituhpa ta tanoh he Izarei sawzy nata Amawna sawzy likah pachia mawh sy,” tahpa ta pachhosa ta.