ZAWBÂ 31:26 - Mara Bible RV (BSI)

²⁶ Noh a khaih nota mopa ta, Thlâpâ rônahpa ta a sie ngâpa moh aw sah la;

ZAWBÂ 31:26 ပူးပေါင်းရင်းမြစ်များ

2 ABEIZY 23:11

Zudâh beizy ta noh lâta ama hlâpa arâzy cha, Abeipa o lâ angiana chhikao tawhta pasie ta. Chazy cha Abeipa o tlyhmia liata molaipa Nâthâmele chhôhpadâhpa kiapâh liata a ypa a châ.

2 ABEIZY 23:5

Zudâh khihpizy nata Zerusale chheipâh liata su sâhpazy liata atheihna hlâ awpa ta Zudâh beizy ta ama raopa theihthaipazy cha pabâh khai ta, Bâlâ lâta nata noh nata thlâpâ nata awhsi nata avâ liata a ypa zydua lâta atheihna a hlâ tyhpazy chhao a pabâh khai ha ei.

ZAWBÂ 25:5

Moh teh u, a no mo liata la, Thlâpâ chhao khaihpa ta rao leipa ta, Awhsizy chhao pathaih kaw veih ei.

ZAWBÂ 31:27

Ei palôh arulâta reipasaopa ta ypa ta, Ei hmao ta ei ku a vaw pahnâ ha khiahta cha;

HLAZY HLA 6:10

“My khihdei hawhta pavâpa ta, Chôthlapi hawhta panyu ta; Noh lynô hawhta khaihpa ta, Pohraipazy a chaluahpa pheisaih hri hawhta Hihâ a hneipa cha ahy ma a châ tly?”

ZEREMIAH 44:17

Keimo nata miah pathlatuhpazy nata eima beizy nata eima beimachâzy heta, Zudâh khihpizy nata Zerusale khiliahzy liata eima tao tyhpa hawhna khata, avâ beinô lâ ropahâhpazy raopa ta, dopa hlânazy ano lâ patlai aw pi ta, bie eimâ taihpa zydua eima tao aw. Kha daihti liana kha niedo hluhpi hneipa ta, thlaochhipa ta y pi ta, chhiena a tyh ma pi.

ZEREMIAH 8:2

kyh ama pachâpa, ama chakaopa, ama pazipa, ama tluapa nata amâ chhypa noh, thlâpâ nata awhsi zydua hmiakô liata zawpa ama châ aw. Pakhypa châ khao leipa aw ei ta, pabupa châ hra aw veih ei. Ie hawhta alei chô liata pasichhihpa ta ama y aw,” Abeipa ta a tah.

EZEKIA 8:16

Chatawhcha Abeipa o chhôh tlyhmia lâ nâ chhi ta. Abeipa Achhyna o lâ angiana, aikah nata maisâh likawh liata, chyhsa pakih nata papangawh rachhôh â tyuhpa hmô ei na ta. Abeipa Achhyna o hnôhchhypa ta a tyuh ei ta, nochhi lâ hmiachhypa ta, nochhi lâ tawhta noh a kaw chhipa cha a chhy ei ta.

RYHPACHANEINA 11:16

A vaih teh u, chataleipatala nama palôh dôveipa ta y aw ta, tlei aw ei chi ta, khazoh hropazy chakaopa ta namâ chhy pathlei aw.

RYHPACHANEINA 17:3

sie ta khazoh hropazy chakaopa ta chazy cha â chhy aw tlyma, a châ vei khiah, noh tlyma, thlâpâ tlyma, avâ liata a ypa kheihawhpa tlyma a chhypa ta, bie ei pie leipa tao sala,

RYHPACHANEINA 4:19

Abeipa nama Khazohpa ta avâ ry liata chyhsa zydua châta a taopa noh, thlâpâ, awhsizy nata avâ liata a ypa zydua nama hmô tita, avâ lâ uapa ta, chazy chata nama palôh cha sy ei sala, namâ chhy pathlei lei nawpa ta a vaih teh u.