ZAWBÂ 31:17 - Mara Bible RV (BSI)

¹⁷ Ei pati keima dei ta niepa ta, Paw hnei leipazy paniesa hra leipa aw sah la;

ZAWBÂ 31:17 ပူးပေါင်းရင်းမြစ်များ

NEHEMIAH 8:10

Nehemiah ta ama hnohta, “Nama o lâ chyu a di u la, sa thawhpa kei nie u la, kresawhti thlôhpa doh u la, a chhuanoh hmâ leipazy hnohta niedozy paphao teh u. Tanoh he eima Beipa châta noh pathaihpa a châ hih. Pachârôhpa ta y khah u. Abeipa alyna cha nama thatlôna châ tlôh ta,” tah ta.

ESTHERI 2:7

Môdekai cha a paw unawhpa sawchanô Hadâsâ chhytuhpa châ ta, Hadâsâ cha Estheri tahpa ta awpa a châ. Estheri cha nôpaw a hnei khao leipa vâta Môdekai ta a chhy. Cha laihsa cha pizie pha kawpa nata mo ngia kawpa châ ta, a nô nata a paw ama thi tawhta, Môdekai ta a sawchanô ta â lapa a châ.

ZAWBÂ 22:7

Thachhâpa hnohta ti do awpa pie leipa chi ta, Nodipa hnohta viahchhâ na pie leipa vâta a châ.

ZAWBÂ 31:18

Ei thyutlia daihti tawhta paw hnei leipazy cha, Ama paw o hawhta ei o liata laiseih tyh ei ta, Ei nô chhi chhôh tawhta, Nôhmeizy ei vaw chhihtha tyhpa ei châ ta;

ZAWBÂ 31:21

Ryureina liata châhkheituh ei hneipa vâta, Paw hneileipazy chô liata ku a vaw hy hapa ei châ khiahta cha;

EZEKIA 18:16

ahy hmahta tlybai leipa ta, sôhkâ la leipa ta, ahy hmah hrao leipa sala, nodipazy niedo piepa ta, thluahruapa poh pabu sala,

EZEKIA 18:7

ahy hmah tlybai leipa ta, a sôh dyu a cheituhpa ta sôhkâ a sopa pakuapa ta, ahy hmah hrao leipa sala, nodipa hnohta niedo piepa ta, thluahruapa poh pabu sala,

LUKA 11:41

A chhôh liata hmo a ypa cha dyhchhiepazy pie awpa ta hmâh teh u, chatanachata nama châta ato a pathaih aw.

ZAWHÂNA 13:29

Thokha ta, Zudâh cha tâkâ sahria a vaotuhpa a châpa vâta, “Kyhchhina châta hmo eimâ ngiahpa kei chalei teh,” a tahpa a châ na ta pangiasa ei ta, a châ vei khiah, dyhchhiepazy hnohta hmo pie awpa a chhopa a châ na ta ama pangiasa.

HMOTAOPAZY 4:32

Ngiapâtuhpa manôh zydua cha palôh miakha nata pachâna su kha ta y ei ta. Ahy hmahta a sôh hneipazy cha ano eih sai ta rao leipa ta, hmo zydua a hly khai ei ta.

RAWMA 12:13

Mopathaihpa a phahlapazy deichhy u la, khichhai pasô muh vy.

RYHPACHANEINA 15:11

Khatino rai ta dyhchhiepazy nama râh liata ama y aw. Chavâta, “Nama râh liata dyhchhiepa nata phahlapa nama unawhzy lâta nama ku pazawh muh vy,” tahpa ta bie ei cha pie ei.

RYHPACHANEINA 15:14

Nama mietaku zaw, nama sawhri nata nama kresawhti saohpazy tawhta mochhih leipa ta nama pie awpa a châ. Abeipa nama Khazohpa ta byhnâ a cha piepa hawh ei ta, âmo chhao nama pie hra awpa a châ.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.

1 ZAWHÂNA 3:17

Chyhsa ta khizaw sôh hnei thlâh ha tlôh ta, a unawhpa a phahlapa hmô sala, thapasana a hnei leipa khiahta cha, Khazohpa kyhpachâna cha ano liata kheihta a y thai aw?