ZAWBÂ 30:27 - Mara Bible RV (BSI)

²⁷ A chalih beih leipa ta ei chhôh a tlao ta, Pasataona nohzy ta eina vaw dy.

ZAWBÂ 30:27 ပူးပေါင်းရင်းမြစ်များ

HLAZY 22:4

Miah pathlatuhzy ta cha ngâ ei ta, Cha ngâ ei ta, na pachha ei.

HLAZY 38:8

Thachhâ panaopa ta y na ta, Palôh pasapa ta thata ei hrô.

PUASAINA 8:20

Abeipa ta Mawsi hnohta, “Mydi kari ta thyu la, Phiraoh cha ti lâ a zupa pachhaipa ta a hmiakô liata a kei duah la, a hnohta, ‘Abeipa ta hetana heta a tah: Eina chakao thei nawpa ei ta, ei phopi pasiesa teh.

ZEREMIAH 31:20

Epharai cha ei sawchapaw kho ngaitapa châ ta, Ei saw mopakiapa châ vei ma? A pha leina kyh ei rei tyhpa chhao ta, Khâ ei thei ngâ thlâh ha tyh. Chavâta ei palôh ta ano cha vâ kaw tyh ta, A chô liata zawh ei ngiah tlai aw,” Abeipa ta a tah.

ZEREMIAH 4:19

Ei pasa rimâ cha, ei pasa rimâ cha! Ei taikalô pâ ngâ kaw dia! Aw, ei palôh pasa rimâ cha! Ei châh-ao thata a chalyu ta, Y molo thai khao va na. Chiahmie pyu thei na ta, Adyuhna rahaopa pyu ei thei.

CHAPHÔHTUNA 1:20

“Hy Abeipa, moh tua, nôpopa ta y na ta, Ei chhôh a zoh khai haw; Ei chhoruna vâta, Ei palôh â tymâ khai haw. Zaozi ta hawtizy khiliah liata thie ta, O chhôh liata chhao thina hawhta a châ.

CHAPHÔHTUNA 2:11

Ei chana ta ei mo zoh ha ta, Ei pavyhpi thata â tlao; Ei phopi sawchanô leidiana vâta, Ei hmôkhaw alei liata a sa ta; Hawsaih nata sâhpi a ngiehpazy khiliah liata panaona vâta, Ei hmôkhaw alei liata â sa.