ZAWBÂ 30:23 - Mara Bible RV (BSI)

²³ Thina lâ einâ chhi aw chi tahpa pahno na ta, Ahropa zydua châta raopa o lâ einâ chhi aw chi tahpa ei pahno.

ZAWBÂ 30:23 ပူးပေါင်းရင်းမြစ်များ

ÂTHAONA 3:19

Chhaohlei ta taopa châ chi ta, Chhaohlei lâ na kua heih hlâlei cha, Na hmia mathlai lohpa ta nie nâ hmô aw. Dohlei châ chi ta, Dohlei lâ na kua heih aw,” tah ta.

2 SAMUELA 14:14

Eima zydua ta eima thi khai aw. Alei liata ti patlaipa hawhta eima châ. Li pakhua thaipa châ khao vei. Hrona cha Khazohpa ta la aw vei. A râ hapa cha ano tawhta â hla pathlah lei nawpa ta ryh tlao a rao tyh hri.

ZAWBÂ 10:8

“Na kuzy ta na pasuah chi ta eina tao chi, Châhrasala tahmâ cha, Nâma lilaw ta eina parao ha chi he zaw.

ZAWBÂ 14:5

A nohzy rao chiehpa châ ta, A thlazy na hnohta y ta, A khô thei lei awpa râhri na tao ha tawhta cha,

ZAWBÂ 21:33

Saikao liata leitlozy cha ano châta thlôh kaw ta, Mo to ta ano pazi ei ta, Rei tiah lei a hmia lâta ama sie.

ZAWBÂ 3:19

Cha liana cha molaipa nata mochyhpazy y ei ta, Sei chhao a zibeipa tawhta khotalaipa ta a y.

ZAWBÂ 9:22

Hmo to he miakha sai a vaw châ; Chavâta ei reih aw, ‘Mosiapa chhao moleipa chhao a pahleipadia tyh ei.’

BIECHHOTUHPA 8:8

Ahy hmahta husona patu theina hmotaotheina hnei leipa ei ta, thina noh chô liata bie a hnei theipa y hra veih ei. Adyuhna a y ngâ nota cha, ahy hmahta a pheisaih rai pahâsa thaipa a châ leipa hawhta, moleina ta moleina a taotuhpazy cha papua aw vei.

BIECHHOTUHPA 9:5

Ahrohpazy cha ama thi awpa a pahno ei ta, athipazy deikua cha khâpa hmah pahno khao veih ei. Chavâta lymâ ama dao awpa y khao leipa ta, ama moh chhao mypa ta a y.

HEBRAI 9:27

Chyhsapa châta ei kha thi raopa châ ta, cha hnôhlâ ta pachiana a y aw.

ZAWSUA 23:14

“Tahmâ cha khizaw zydua siezie hawhta ei sie hra daihti liahsa â hnia haw. Abeipa nama Khazohpa ta nâmo kyh liata bie pha a vaw rei hapa zydua kha, a patlô leipa miakha hmah y vei tahpa nama pathipalôh tlokhuh ta nata nama thlahpa tlokhuh ta nama pahno. Nama chô liata vaw tlô khai ta, a tlô leipa miakha hmah y vei.