ZAWBÂ 30:1 - Mara Bible RV (BSI)

¹ “Tahmâ deikua cha, Kei hlâta seihnai viapazy ta na pahneisao ei ta; Ei sahroh vaituhpa izy hry liata pahlao awpa ei khoh leipa Ama pawzy khata eina pahneisao bâ ei.

ZAWBÂ 30:1 ပူးပေါင်းရင်းမြစ်များ

2 ABEIZY 2:23

Cha tawhna chata Bethel lâ khy ta, lâpi liata a sie hai nota, chapaw hawtizy khihpi tawhta vaw pua ei ta, vaw pahneisao ei ta, a hnohta, “Nâ, luh pôlôpa, khy ha teh; nâ, luh pôlôpa, khy ha teh,” tah ei ta.

ZAWBÂ 12:4

Tahmâ deikua cha, Viasazy pahneiparâsaopa châ na ta; Khazohpa aw ta, Khazohpa ta â chhypa, Chyhsa siapa nata seina hnei leipa kei he, Pahneiparâsaopa ei vaw châ haw.

ZAWBÂ 30:2

Chyhsa thachhâ hapazy tlai cha, Ama ku thatlôna tawhta khâpa athôhna ma ei hmô aw tly?

HLAZY 119:51

Apalaipazy ta thata na pahneisao ei ta, Châhrasala na ryhpa tleisai va na.

HLAZY 69:12

Thokhy chhikao liata a tyuhpazy ta ei kyh reih ei ta, Sahma paripazy ta hla eina phi ei.

ISAI 3:5

Chyhsazy amâ tlybai raihrie aw: Ama chyhsa châ lâhpazy tlybai aw ei ta, Ama vaihzy ama tlybai aw. Thyutliapa ta machâpa chô liata sâlâ kaw aw ta, Chyhsa nawhpa chhao zachhihpa chô liata a sâlâ kaw aw.

MÂKA 14:65

Thokha ta Zisu cha ama pachih ta pachhao ei ta, a hmia pahly ei ta, tu ei ta, a hnohta “Hrohsona bie cha phuah châh chi!” tah ei ta. Vaituhpazy ta amâ chhi pâ ta chabaih ei ta.

LUKA 23:14

ama hnohta, “He chyhsa he, chyhsazy a siekheichhei tahpa ta kei lâ namâ vaw chhipa kha châ ta. Nama hmiakô lia tlai ta a padai na ta, pachâ teh u, nama leihna kyh liana khata, he chyhsa chô liata a thaileichâna khâpa hmah hmô va na.

LUKA 23:18

Châhrasala â raoh ngaitapa ta awh ei ta. “Kha chyhsa kha pahleipadia la, Bârabâ kha miah papuapa teh,” tah ei ta.

LUKA 23:35

Zawpizy a kiapâh liata a duah ei ta, sai thlâh ha ei ta. Ryureituhpazy deikua ta pasipasawh ei ta, “Mohropazy a pachha tyh mâh tâh. Khazohpa Atlyhpa Mesia a châ tlai khiahta cha, anosasyh a pachha bao sa!” tah ei ta.

LUKA 23:39

Moleipa ama khaipâpa pakha ta Zisu cha reipachhie ta, “Mesia châ va chi mâ? Nâmasasyh ta a pachha la, keimo chhao miah pachha châh chi!” tah ta.

HMOTAOPAZY 17:5

Zuzy deikua cha ama hiatlia ta, sôhdaohna su liata moleipa thathipazy pakhy ei ta, zawpi pahmaohpa ta khihpi zydua patypamâ ei ta. Lyuhchâpazy cha zawpi lâ a chhi a chhuahpa ta, Zasaw o liata a ngiahnao ei ta.

TITU 1:12

Krite chyhsa, ama hrohsopa cheingei ta, “Krite chyhsazy cha haihthaipazy, sahrâh moleipazy, thathi rikawhpa zy ama châ zôzaw,” tahpa ta reih ta.