ZAWBÂ 29:7 - Mara Bible RV (BSI)

⁷ Khihpi hawka lâ pangaipa ta, Tlyliah liata atyuna ei paryh nota,

ZAWBÂ 29:7 ပူးပေါင်းရင်းမြစ်များ

ÂTHAONA 19:1

Vâlyuhchâpa pano cha zâlâ ta Sawdawmâ khih tlô ei ta. Lawta cha Sawdawmâ khih thokhy chhikao liata a vaw tyuh thlâh ha ta. Lawta ta âmo cha a vaw hmô nahta, dy awpa ta a duah ta, a hmia alei lâ a khupa ta a bôh ta.

ÂTHAONA 34:20

Chatanachata Hamô nata a sawchapawpa Sekhe cha, ama khih thokhy chhikao lâ a vy ei ta, ama khihsawzy bie reikhei ei ta, ama hnohta,

ZAWBÂ 29:8

Nâ hmôpa satliazy a nyu ei ta, Machâpazy thyu ei ta amâ duah tyh;

ZAWBÂ 31:21

Ryureina liata châhkheituh ei hneipa vâta, Paw hneileipazy chô liata ku a vaw hy hapa ei châ khiahta cha;

BIESOZY 31:23

Thokhy chhikaozy liata râh machâzy hnohta a vahpa â tyu nota, A vahpa cha zawpi pahnopa a châ.

BIESOZY 8:3

Khih thokhy chhikao kiah liata zy, Hawka liata zy a duah ta, Hetana heta ao paro ngaitapa ta a awh tyh:

ZEREMIAH 38:7

Kusi chyhsa hrilyupa, abei o liata a ypa Ebemele ta khaohtlô liata Zeremiah ama pathlapa thâtih cha thei ta. Cha nota abei cha Benzami Thokhy Chhikao liata a tyuh thlâh ha ta.

ZEKARIA 8:16

Hezy he nama tao awpa hmozy cha a châ: Biedopa a chho raihrie u la, adyhna a tlôkhei awpa pachiana dopa ta nama hawkazy liata ryureih teh u.

RYHPACHANEINA 16:18

“Abeipa nama Khazohpa ta a cha piepa ei khih to liata, chi to châta ryureituhpa nata hyutuhpazy rao aw ei chi ta, âmo chata ryureina siapa ta zawpizy ryu ama reipa tyh aw.

RYHPACHANEINA 21:19

a nô nata a paw ta patu aw ei ta, a yna khihpi liata machâzy ryureina thokhy chhikao lâ amâ chhi aw.

RUTHI 4:11

Khihpi hawka liata zawpi zydua nata machâzy ta, “Pahnokheituhpazy eima châ. Na o liata chanô a vaw ngiapa cha, Izarei phopi hmaohkha ta a paduapa Râkheli nata Liah hawhna khata Abeipa ta tao mawh sy. Ephrâthâ liata na nohâh y sala, Bethlehe liata na moh pathâh mawh sy.