ZAWBÂ 28:28 - Mara Bible RV (BSI)

²⁸ Chatawhcha chyhsapa hnohta, ‘Pachâ teh, Khazohpa china he sona cha châ ta, Moleina a heihsaipa he pahnona cha a châ,’ a tah,” tah ta.

ZAWBÂ 28:28 ပူးပေါင်းရင်းမြစ်များ

1 ABEIZY 18:3

Ahabâ ta abei o liata hriatuhpazy hyutuhpa Ôbadia cha aw ta. Ôbadia cha Abeipa a chi kawpa chyhsa a châ.

ZAWBÂ 1:1

Uzi râh liata chyhsa pakha, a moh Zawbâ ama tahpa y ta. Cha chyhsa cha seina hnei leipa, chyhsa dopa, Khazohpa a chipa nata moleina a heihsaipa chyhsa a châ.

ZAWBÂ 28:12

“Châhrasala khataih liata ma sona cha hmô theipa a châ aw? Pahnona yna su cha khataih liata ma a y?

ZAWBÂ 28:20

“Chata a châ khiahta cha, Sona cha khataih tawhta a vypa ma a châ tly? Pahnona su cha khataih liata ma a y tly?

ZAWBÂ 28:27

Chazy cha hmôpa ta phuah ta, Padua ta a tluapapuapa a châ.

HLAZY 111:10

Abeipa china cha sona athaona châ ta, Abeipa a chituhpa zydua ta novâhna ama hnei. Abeipa cha tlyzaw ta reithaipa ta y mawh sy!

HLAZY 34:14

Moleina a heihsaipa ta hmopha tao la, Adyhna tlua la, a chadai mah y.

HLAZY 94:10

Râhzy a chhoreituhpa ta hrie aw vei ma? Chyhsa a pachutuhpa ta pahnona â phahla aw ma?

BIESOZY 1:7

Abeipa china cha novâhna athaona châ ta, Ahrupazy ta sona nata pachuna ama mohnao tyh.

BIESOZY 13:14

Chyhsa sopa pachuna cha hrona tihnawh châ ta, Thina khoheih ama khôkhâh thei aw.

BIESOZY 14:16

Asopa cha a chado kaw ta, Hmo pha leipa tao vei; Ahrupa deikua cha a riah pha kaw ta, Pachâ tua leipa ta hmo a tao tyh.

BIESOZY 16:17

Chyhsa dopa lâlai cha moleina chahrih ta, A lâpi a phapa ta a vaihpa cha a hrona a pabohsa.

BIESOZY 16:6

Kyhpachâna nata ngâchhihna ta moleina chatlai ta, Abeipa chipa vâta chyhsa ta moleina a siesai tyh.

BIESOZY 3:7

Nâma pachâ ta a pasosa leipa la, Abeipa chi la, Moleina siesai mah y.

BIESOZY 8:13

Abeipa china cha moleina a haopa a châ. Apalaina nata apasâhsana a hao na ta, Moleina hro zy ei hao; Phichhyhpa bie chhao ei hao.

BIESOZY 9:10

Abeipa china cha sona athaona châ ta, Mo Pathaihpa pahnona cha novâhna a châ.

BIECHHOTUHPA 12:13

Bie zydua reipa nata theipa a châ khai tawhta, cha bie zydua sypahmaohna cha he he a châ: Khazohpa chi la, a biepiepazy a pyh mah y. Cha cha chyhsa to tao awpa ama maophaohna a châ.

ISAI 1:16

Nama ngai a sipa ta a pathai u la, Hmo moleipa nama taopazy ei mohmô tawhta pahlei teh u; Hmo pha leipa tao khao leipa u la,

RYHPACHANEINA 29:29

“Hmo nyupazy cha Abeipa eima Khazohpa eih châ ta, hmo palâhâhpazy deikua keimo nata eima pathlazy eih a châ. Chatanachata he ryhpa bie zydua he eima zyh thei aw.

RYHPACHANEINA 4:6

Chavâta zyh u la, tao muh vy. Cha cha phopizy mohmô ta nama sona nata novâhna a châ aw. Chatanachata bieraopa zydua cha ama thei tita, “He phopi rônahpa he phopi sopa nata novâhpa tlai na ama châ,” ama tah aw.

2 TIMAWTHY 2:19

Châhrasala, “Abeipa ta ano eihzy a pahno,” tahpa nata “Abeipa moh a padopa maih moleina siesai mawh sy,” tahpa ta chahnao pa-ipa ta, Khazohpa lôbô a ipa cha â duah thlâh haw.

1 PITY 3:11

Moleina a heihsai sala, Hmo pha tao mawh sy; Thlalôhna tlua sala, A chadai lymâ mawh sy.