ZAWBÂ 28:18 - Mara Bible RV (BSI)

¹⁸ Lei râhpa lôsôh nata lôsôh pasohpa zy cha rei pâpa y leipa ta, Sona mâ cha taiku lôsôhpa mâ hlâta a ru via.

ZAWBÂ 28:18 ပူးပေါင်းရင်းမြစ်များ

BIESOZY 20:15

Ngôh y ta lôsôhpazy chhao a hluh kaw, Châhrasala novâhna hmaozy he lôsôhpa sôhpazy cha ama châ.

BIESOZY 3:13

Sona a hmôpa cha nohlaopa châ ta, Novâhna a hneipa chhao nohlaopa a châ hra.

BIESOZY 3:15

Sona cha lôsôhpa hlâta sôh via ta, Na kho kawpa hmo kheihawhpa nata hmah Pakhopâ thei rimâ awpa châ vei.

BIESOZY 31:10

Lapinô phapa ahy ma a hmô thei aw? Lapinô phapa cha lôsôhpazy hlâta a sôh via syulyu.

BIESOZY 8:11

Sona cha lôsôhpazy hlâta pha via ta, Na tlaichhai kawpa khâpa nata hmah Pakhopâ theipa châ vei.

CHAPHÔHTUNA 4:7

A Nâzaraizy dâhaw hlâta pa­thaih via ei ta, Sâhpiti hlâta ama ngyuh via; Ama sapatie rubi lôsôhpa hlâta a noh thyu via ta, Ama pizie cha saphai lôsôhpa hawhta â ngiapa ama châ.

EZEKIA 27:16

Hmo hluhpi na hneipa vâta, Aramia chhao ta châ daoh ta, lôsôhpa nohpa, poh nohsaihpa, poh kiky zeipa, pala rih dipa, taikuh lô nata rubi lôsôhpazy vaw phaoh ei ta, na hmozy nata ama cha ri tyh.

MATHAI 7:6

“Izy cha hmo pathaihpa pie leipa u la, vaozy hmiakô liata nama taikuh lôsôhpazy thy hra khuh vy. Ama phei ta tly aw ei ta, ama châ liehnao pathlei aw.

1 TIMAWTHY 2:9

Cha hawhna chata chanôzy chhao â daihpa rakha ta a tobiepa ta, mongiapa nata zachhihpa ta y ei sala ei khoh. Sâ phiehpa ta tlyma, ngôh ta tlyma, taikulô ta tlyma, chysia mâ rupa ta tlyma a tobi leipa ta,

BIEPHUAH 17:4

Chanô cha poh nohsaihpa nata saihlawpa a bu ta, ngôh nata lôsôhpa nata taikulô ta a tobi ta, a ku liata hmo pasichhihpa nata sihryhna moleina ta a biepa ngôh nyu a chaba ta.

BIEPHUAH 18:12

Ama hmo zuapa ngôh, tâkâ, lôsôhpa, taikulô, poh rihdipa, poh nohsaihpa, pu pala, poh saihlawpa, tho ropahâhpa to, sianaoh ta taopa hmobaoh to, tho sôhpa, dawh, thua nata awhlôteihpa ta taopa hmobaoh to,

BIEPHUAH 21:21

Chhikao miahrawh hleino cha taikulô miahrawh hleino ta taopa châ ta, chhikao to cha taikulô miakha hmâpa ta taopa a châ. Khihpi lâlai cha ngôh suapa ta taopa châ ta, thlalâ mopahlie theipa hawhta a châ.