ZAWBÂ 28:13 - Mara Bible RV (BSI)

¹³ Chyhsapa ta a sôna pahno vei, A sôna cha ahrohpazy râh liata y vei.

ZAWBÂ 28:13 ပူးပေါင်းရင်းမြစ်များ

ZAWBÂ 28:14

Ti athupa ta, ‘Kei liata y vei,’ tah ta, Tilaipi ta, ‘Ei hnohta y vei,’ a tah haw.

HLAZY 119:72

Ngôh nata tâkâ sâh hluhpi hlâta, Ei châta na pakah ryhpa bie pha via syulyu tlôh ta.

HLAZY 19:10

Chazy cha ngôh hlâta kho a chhih via ei ta, Ngôh suapa hlâta ama sôh via; Kheihti hlâta thlôh via ei ta, Kheihthlawh hlâta ama thlôh via.

HLAZY 27:13

Ahrohpa râh liana heta, Abeipa phana ei hmô aw tahpa ei ngiapâ.

HLAZY 52:5

Khazohpa ta tlyzaw ta cha parao aw ta, Na poh o tawhta châ daophipa ta cha hriechheih aw ta, Ahrohpa râh tawhta a cha phia pathlah aw. Selah

BIESOZY 16:16

Ngôh hlâta sona hneipa pha via syulyu ta, Tâkâ vyuhpa ta novâhna tlao a tlyh awpa a châ.

BIESOZY 23:23

Biehmeiseihpa chalei la zuah khao leipa la, Sona nata pachuna nata pahnona zy chalei mah y.

BIESOZY 8:11

Sona cha lôsôhpazy hlâta pha via ta, Na tlaichhai kawpa khâpa nata hmah Pakhopâ theipa châ vei.

ISAI 38:11

Abeipa hmô thei khao ngyu leipa aw na ta, Ahrohpazy râh liana heta, Abeipa hmô thei khao ngyu aw va na; Khizaw chyhsazy hry liana heta, Chyhsapa moh heih thei khao ngyu aw va na, Tahpa ta ei vaw pachâ hmâ haw.

ISAI 53:8

Tlybaipa nata thailei pachâsapa ta a chhi ei ta, Châhrasala ano chhâ liata chyhsazy ta pachâ hlei veih ei. Ahrohpazy râh tawhta chhawh pathlahpa châ ta, Ei phopi paraona vâta hriepa a châ.

ZEREMIAH 11:19

Kei deikua cha mietakutaw nônaipa Thie awpa ta amâ chhipa hawhta ei châ. “Tho cha a thei chhaota parao sih la, A moh a thei thlâhpa a châ khao lei nawpa ta, Ahrohpa râh tawhta chhawh pathlah ha suh u,” Ama tahpa kha, Ei chô liata tao amâ chhuahpa a châpa Vaw pahno leipa na ta.

EZEKIA 32:24

“Cha liata Elâmi y ta, a thlâ chheipâh liata a sahlaozy y ei ta, ama zydua zaozi ta thiepa ta a paopazy ama châ. Chopawtaileipa ta alei ry lâ a zupazy châ ei ta, ahrohpazy râh chichhihpa ta a taotuhpazy ama châ. Khaohtlô liata a tla hapazy hnohta nozapa ta ama y.