ZAWBÂ 25:3 - Mara Bible RV (BSI)

³ A pheisaihzy ahy ma a reih tiah aw? Ahy chô liata ma a khaihna ta a khaih vei?

ZAWBÂ 25:3 ပူးပေါင်းရင်းမြစ်များ

ZAWBÂ 16:13

A likathaipazy ta eina chadô ei. Ei lôpozy chado leipa ta patlawchheih ta, Ei hmôkhaw alei liata a leihtha.

ZAWBÂ 25:4

Kheihta ma chyhsapa cha Khazohpa hmiakô liata a sia thei aw? Kheihta ma chanô sapa chyhsa cha a pathaih thei aw?

ISAI 40:26

Avâ lâ nama mo khaih u la moh tua u, Khizy khi ahy taopa ma a châ tly? Ano cha avâ liata a ypazy khi miakha miakha ta paysa ta, Ama moh chyu ta a awtuhpa a châ. A thatlôna rônahpa nata a hmotaotheina thatlôna vâta, Miakha hmah a ki leipa y veih ei.

DÂNIAH 7:10

Mei chavah vaw loh ta, A hmiakô tawhta a vaw pua; A sâh a sâh ta ano cha chakao ei ta, A thy a thy ta a hmiakô liata amâ duah; Pachiana y ta, Châbuzy pahypa a châ.

MATHAI 26:53

Tahmâ tlai he ei Paw lâ a haw aw sah la, vâlyuhchâpa hlao hrawh hleino hlâta hluh via eina vaw tuapa thei tahpa pahno veih ei chi ma?

MATHAI 5:45

Chatanachata nama Paw avâ liata a ypa sawzy nama châ aw. Ano cha chyhsa chhiepa nata phapa chô liata noh pachhisa ta, chyhsa siapa nata sialeipa chô liata chhao avâ a pasuasa tyh.

ZAWHÂNA 1:4

Bie liata hrona y ta, cha hrona cha chyhsazy khaihna a châ.

ZAWHÂNA 1:9

Khaihna hmeiseihpa, chyhsa to a pakhaihpa cha khizaw lâ a zu ta.

ZÂMIE 1:17

Hmosaipiepa phapa nata hmosaipiepa pakipa zydua cha chô lâ tawhta a zupa châ ta, khaihpazy Paw tawhta a zupa a châ. Ano liata ananona nata nohpahlipa y vei.

BIEPHUAH 5:11

Chatawhcha kaw moh na ta, beidyuchhai nata hmohrohneipazy nata machâzy chheipâh liata vâlyuhchâpa hluhpi ao thei na ta, ama hluhzie cha thysâh hluhpi ama châ.