ZAWBÂ 24:5 - Mara Bible RV (BSI)

⁵ Moh teh u, râhchawhpa liata râh alâ hawhta, Sipasapazy cha niedo tluapa ta pua ei ta, Thata hriapasa ei ta, Râraohpa ta ama sawzy nie awpa a papua.

ZAWBÂ 24:5 ပူးပေါင်းရင်းမြစ်များ

ÂTHAONA 16:12

Ano cha alâ hrâhpa hawhta châ aw ta, Chyhsa to a dyuh aw ta, Chyhsa to ta ano a dyuh aw ei ta, A unawhpa zydua nata a ryh leipa ta a y aw,” tah ta.

ÂTHAONA 27:40

Na zaozi ta hroh aw chi ta, Na unawhpa na chakao aw; Na pua tita deikua cha, A raopaky na rao tawhta na pahluh aw,” tah ta.

ZAWBÂ 12:6

Hraotuhpazy ama poh o liata thlalôhpa ta y ei ta, Ama ku ta ama khazoh chaba ta, Khazohpa hie pahâhpazy â bohpa ta ama y.

ZAWBÂ 24:14

Lianycheituhpa cha awhkho ta thyu ta, Dyhchhiepa nata phahlapazy thie ta, Parutuhpa hawh hra ta zâ ta a paru tyh.

ZAWBÂ 24:6

Lyu liata sahroh lao pakhy ei ta, Moleipa kre sadô kâmo ama thoh.

ZAWBÂ 5:5

Nodipazy ta a kôvei nie khai ei ta, Ahloh hry tawh chhao la ei ta, Dâhphipazy ta a hneirôna ama palâ khai haw.

HLAZY 104:23

Chyhsapa cha a rai lâ pua ta, Zâlâ taih hriapasa awpa ta a pua tyh.

BIESOZY 4:16

Hmo ama parao ha tua leipa ta cha, A mô thei leipa ei ta; Chyhsa ama chapiasa ha tua leipa ta cha, Ama mo ku thei vei.

ZEREMIAH 2:24

Râhchawhpa liata lyurâhpa alâ chanôpa paw khoh nota, Ziza roh a patluahpa hawhta na châpa kha. Ahy ma sa chanôpa paw khohpa a pakhâ thei aw? Ano a tluatuhpazy ta ama rie amâ pathei byuh leipa ta, A paw khoh daihti liata cha ama hmô thlâh ha tyh.

HÔSIA 7:6

Lômathu hawhta ama pathi sah ta, Arulâta amâ byh; Azozâkhihdei ama pathi a pa-ih ta, My ta meipaleih hawhta a kaw ia.

HÔSIA 8:9

Epharai cha râh alâ ano dei ta a tlaihpa châ ta, Asuria lâ khy ei ta, Ama khopawzy ama kaw chalei.

MIKÂ 2:1

Hmo pha leipa patuapaluapa ta, Ama rakhô liata moleina a pachâpadypazy cha, Ama hu a po na! Ama ku liata a ypa biehneina a châpa vâta, My khih a vaw dei nahta ama hriapazi tyh.

ZEPHANIA 3:3

A chhôh liata beimachâzy cha, Chakeibarôhneipa a rôh ngâpazy châ ei ta; A ryureituhpazy chhao, Zâ changie zohpa ama châ; My ta nie awpa dâhdei chhao, Pahlôh khao tyh veih ei.

ZAWHÂNA 18:28

Zisu cha Kaiphâ o tawhta râhvaotuhpa o lâ a chhi heih ei ta. Mydi kari châ ta. Zuzy deikua cha râhvaotuhpa o liata a ngia leipa ei ta. Amâ ngia khiahta cha, pathaih leipa châ aw ei ta, Zawpakhô pati ama nie thei lei awpa vâta amâ ngia leipa a châ.

HMOTAOPAZY 23:12

Khih a dei nahta, Zuzy a paraoh ei ta, Pawla ama thie hlâlei cha khâpa hmah nie leipa nata doh lei awpa ta bie a taih ei ta.