ZAWBÂ 24:13 - Mara Bible RV (BSI)

¹³ “Khaihna a chakhiapa chyhsazy ama y; Khaihna yziezy pahno leipa ei ta, A lâpizy a chhih veih ei.

ZAWBÂ 24:13 ပူးပေါင်းရင်းမြစ်များ

1 ABEIZY 3:20

Zâcho ta thyu ta, châ chakaotuhnô he ei mô chhôh ta, ei kiapâh liata ei sawcha­pawpa cha la ta, a chachôhna liata paziasa ta, a saw thipa cha keima chachôhna liata a vaw pazia.

ZAWBÂ 24:12

Thi daihmâpazy ahrôna ao khihpi tawhta pua ta, Hmaphaohpa thlahpa cha baona vâpa ta â rôh. Châhrasala Khazohpa ta ahy hmah thailei pachâ vei.

ZAWBÂ 24:14

Lianycheituhpa cha awhkho ta thyu ta, Dyhchhiepa nata phahlapazy thie ta, Parutuhpa hawh hra ta zâ ta a paru tyh.

ZAWBÂ 24:16

Zoh ry liata ozy chaphiepa ta a ngia ei ta, Nohchhô ta a khawhlôh ei ta, Khaihpa rai pahno veih ei.

ZAWBÂ 38:13

Khihdei ta leilô he a pai liata patupa ta, Moleipazy chatho pathlah awpa ta bie na pie beih ma?

ZAWBÂ 38:15

Ama khaihna cha moleipazy phihpa châ ta, Ama bâh chaluahpa chhao thliepa a châ.

ZAWBÂ 5:14

Nohchhô ta zohna a tyh ei ta, Nohchhô locho ta zâ hawhta ama pathâ.

BIESOZY 4:19

Hmoparaopazy lâpi cha zoh kaluh ha ta, Khâpa ma amâ chapia tahpa chhao pahno veih ei.

ZAWHÂNA 12:35

Zisu ta ama hnohta, “Khaihpa cha buakhata nama hry liata a y chy. Khaihpa nama hnei chhôh heta charei teh u, chataleipatala zohna ta a cha pachhai pathlei aw ei. Zohna liata a chareipa cha a sie nawpa pahno vei.

ZAWHÂNA 12:40

“Ama mozy pachao ta, Ama palôh kuh a pachhasa; Chata châ vei mawh sala, Ama mo ta hmô aw ei ta, Ama palôh ta pahnopa ta, A vaw heih aw ei ta, Ei patlâh ha awpa ei tlai,” a tahpa kha a châ.

ZAWHÂNA 15:6

Keima liata a y thlâh ha leipa cha, a chiah hawhta thypa ta y ta, a uah tyh. A chiahzy cha pakhy ei ta, mei liata thypa ta, ama rao tyh.

ZAWHÂNA 8:31

Chatawhcha Zisu ta ngiapâtuhpa Zuzy hnohta, “Ei bie liata nama y thlâh ha khiahta cha, ei pachupa dopazy nama châ aw.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

RAWMA 1:32

Cha hawhpa hmo a taopazy cha, a thi tlâh ama châ tahpa Khazohpa bieraopa pahno thlâh hana chôta, âmo taopa dei châ leipa ta, mohropazy taopa chhao amâ lykhei tyh.

ZÂMIE 4:17

Chavâta ahy rai hmo pha tao awpa pahno thlâh ha ta, a tao tlôh leipa cha, ano châta moleina a châ.

1 ZAWHÂNA 2:19

Âmo cha eima hry tawhta pua ei ta, châhrasala eima chyhsa hmeiseihpa châ veih ei. Eima chyhsa hmeiseihpa châ ei sala, eima hnohta ama y lymâ aw. Châhrasala ama zydua ta eima chyhsa hmeiseihpa châ veih ei tahpa a lâ pasia nawpa ta, miah ama puasai haw.

ZUDÂH 1:6

Vâlyuhchâpazy chhao ama biehneina nata ama pahrâna su a siesaipazy cha, noh rônahpa pachiana noh tlôna taihta zohna hnabeidyna ry liata chhâzaw bâlia ta chahrypa ta y awpa ta Abeipa ta a soh chy ei.