ZAWBÂ 22:22 - Mara Bible RV (BSI)

²² A pakah tawhta pachuna a pyh la, A biezy na palôh liata khô mah y.

ZAWBÂ 22:22 ပူးပေါင်းရင်းမြစ်များ

2 THÂTIHZYRONA 33:13

Khazohpa lâ thlahchhâ ta, a hiana cha Khazohpa ta thei ta, ngiachhie ta, a khinarâh Zerusale khihpi lâ â chhi pakhua heih. Chatanachata Manase ta Abeipa cha Khazohpa a châ tahpa a pahno haw.

ZAWBÂ 23:12

A hmao biepiepa tleisai leipa na ta, A pakah biezy ei noh to pati hlâta ei pasô via.

ZAWBÂ 6:10

Cha cha ei hnangâhna châ aw ta, Ei pasa kawpa chhao ta ei reithai aw, Pathaihpa bie ei paphasai leipa vâta.

HLAZY 119:11

Na bie ei palôh liata a vao na ta, Chavâta na chô liata molei khao aw va na.

BIESOZY 4:21

Na mohmô tawhta pua leipa ei sala, Na palôh liata khâchâ a vao ha mah y.

BIESOZY 4:4

Ei paw ta na pachu ta ei hnohta, “Na palôh ta ei biezy he khâchâ a vao sala, Ei biepiepazy he zyh la, hroh mah y.

ZEREMIAH 15:16

Na biezy hmôpa châ ta, Ei nie ha ei. Hy Abeipa, Pheisaihzy Khazohpa, Na moh a phaohpa ei châpa vâta, Na biezy cha ei châta alyna châ ta, Ei palôh thaphana a châ.

EZEKIA 3:10

Abeipa ta ei hnohta reih heih ta, “Chyhsa sawchapawpa y, na hnohta bie ei rei awpa zydua he, na nah ta thei la, na palôh liata khô ha mah y.

MATHAI 12:35

Chyhsa phapa ta a ryubyh phapa tawhta hmo phapa papua tyh ta, chyhsa chhiepa ta a ryubyh chhiepa tawhta hmo chhiepa a papua tyh.

MATHAI 13:52

Zisu ta ama hnohta, “Chavâta vârâh khinarâh châta pachusapa ryhpa pachutuhpa maih cha, o hneituhpa ta a ryubyh tawhta hmo thiehpa nata hmo parohpa a thao papuapa hawhta a châ,” tah ta.

LUKA 2:19

Mâri deikua cha, cha hmo zydua cha a palôh liata pachâ ta, a vao thlâh ha ta.

LUKA 2:51

A nôpawzy hnohta zu ta, Nâzari khih cha tlô ta, a nôpawzy bie zyhpa ta y ta. A nô ta hmo zydua cha a palôh ta a vao thlâh ha ta.