ZAWBÂ 22:21 - Mara Bible RV (BSI)

²¹ “Khazohpa a ngiarih la, Ano nata aryhpa ta y mah y; Chatanachata na châta hmo phapa a vaw tlô aw.

ZAWBÂ 22:21 ပူးပေါင်းရင်းမြစ်များ

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

HLAZY 34:10

Chakeibarôhneipa lochopazy a phahlapa ta ama nodi ta, Abeipa a tluatuhpazy deikua cha hmo phapa ky aw veih ei.

ISAI 27:5

Cha ta a châ vei khiahta cha, Ei thokhy liata a vaw chhai ei sala, Nâ vaw dyh mawh ei sy, Nâ vaw dyh mawh ei sy.”

MATHAI 5:25

Lyuh châ tuatuhpa nata ryureina su lâ nama sie hai nota, lâpi liata aryhna tao para ha mah y. Chataleipatala lyuh châ tuatuhpa ta ryureituhpa lâ cha hlâ aw ta, ryureituhpa ta vaituhpa lâ cha hlâ aw ta, patâhna o liata khôpa na châ pathlei aw.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

HMOTAOPAZY 10:36

Khazohpa ta Izarei sawzy hnohta bie vaw tlôkhei ta, Zisu Krista hmâpa ta thlalôhna thâtihpha cha ama hnohta vaw tlôkhei tlai ta, châhrasala Zisu cha ato zydua Beipa a châ.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

2 KAWRINI 5:20

Chavâta Krista lyuhchâpazy châ pi ta, Khazohpa ta keimo miah hmâpa ta a châ haw ei. Khazohpa nata a ryhpa ta y awpa ta, Krista vyuhpa ta eima châ haw.

PHILIPI 4:7

Chatanachata Khazohpa thlalôhna, novâhna zydua hlâta sôh viapa ta nama palôh nata nama pachânazy cha Krista Zisu liata a cha vaipa lymâ aw ei.