ZAWBÂ 21:14 - Mara Bible RV (BSI)

¹⁴ Khazohpa hnohta, ‘Miah siesai teh! Na lâpizy pahno khoh ma pi.

ZAWBÂ 21:14 ပူးပေါင်းရင်းမြစ်များ

ZAWBÂ 22:17

Khazohpa hnohta, ‘Maniah siesai teh, Atotaotheipa ta eima chô liata khâpa ma a tao thei tly?’ tah ei ta.

ZAWBÂ 34:27

Ano ama pazipa tleisai ei ta, A lâpizy ama pachâ leipa vâta.

ZAWBÂ 35:10

Châhrasala ahy ta hmahta, ‘Nâ taotuhpa Khazohpa cha khataih liata y ta, Zâ ta hlazy nâ pietuhpa cha khataih liata a y;

HLAZY 10:11

A palôh liata, “Khazohpa my ha ta, A hmia nyukhâh ha ta, Khati hmahta hmô aw vei,” a tah tyh.

HLAZY 10:4

Hmoparaopa apalaina hmia a phaohpa cha, Khazohpa tlua leipa ta, A pachâna zydua liata, “Khazohpa y vei,” a tah tyh.

HLAZY 95:10

Kha chhâ kha kô sypalih chhôh zydua ai kaw ei na ta, “Ama palôh sie chhei hapa phopi châ ei ta, Ei lâpizy a pahno leipa ama châ,” tah na ta.

BIESOZY 1:22

“Nâmo sona a phahlapazy saih u, So leipa ta ypa he khachâ ma nama pasô chy aw tly? Pasipasawh a thaipazy ta khachâ ma chyhsa pasipasawhpa paphasa aw ei ta, Ahrupazy ta khachâ ma pahnona amâ hao aw tly?

BIESOZY 1:29

Pahnona a hao ei ta, Abeipa china a tlyh leipa ei ta,

BIESOZY 1:7

Abeipa china cha novâhna athaona châ ta, Ahrupazy ta sona nata pachuna ama mohnao tyh.

ISAI 30:11

Lâpi siesai u la, Lâthlôh tleisai teh u; Izarei Mo Pathaihpa thâtih chhao, Miah chho khao khah u,” ama tah.

ZEREMIAH 2:31

Hy Nâmo, he chhâ sawzy saih u, Abeipa bie nathlie teh u. Izarei sawzy châta râhchawhpa hawhta ei châ beih ma? Râh zoh kaluhpa hawhta ei châ beih ma? Cha ta a châ tlôh khiahta cha, Khazia ei phopi ta, ‘Khotalaina eima hmô haw, Nâ lâ a vy khao aw ma pi,’ ama tah tly?

ZEREMIAH 9:6

Tlybaina chô liata tlybaina hropa pacho thlu ei ta, Dôveina chô liata dôveina hropa ama pacho thlu; Kei na pahno khoh veih ei,” Abeipa ta a tah.

HABAKU 1:15

Moleipa ta ama zydua ta keipa ta thua ta, A sao ta âmo cha a patu ha ei; A sao sykhao chhôh liata khô ta, A thapha ta â ly ngaita.

LUKA 8:28

Zisu a hmôpa nahta, awh ta, a hmiakô liata pao ta, ao paro ngaitapa ta, “Zisu, Khazohpa Chônôchai Sawchapawpa, ei chô liata khâpa tao awpa ma na khoh? Ei châ haw na, rie na taola khah y,” tah ta.

LUKA 8:37

Kerâsene chheipâh râh liata chyhsa zydua cha chi ngaita ei ta, âmo puasai awpa ta Zisu cha a haw ei ta. Chavâta Zisu cha balyh kiah ta, a lie ha ta.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

RAWMA 8:7

Sapa hmo pachâna cha, Khazohpa ryhpa ry liata a y leipa vâta, Khazohpa a dyuhpa a châ. Hmeiseihta ta, sapa hmo a pachâpa châta cha, Khazohpa ryhpa ry liata y hmeiseih thei awpa châ vei.