ZAWBÂ 20:27 - Mara Bible RV (BSI)

²⁷ Avâzy ta a thaileichâna phuah aw ei ta, Alei ta ano cha a thyuhnao aw.

ZAWBÂ 20:27 ပူးပေါင်းရင်းမြစ်များ

ZAWBÂ 16:18

“Hy leilô y, ei thisaih khu leipa la, Ei chana ta apahâna su hmô khah sy.

ZAWBÂ 18:18

Khaihna tawhta zohna lâ topa châ aw ta, Khizaw tawhta a chadaipa a châ aw.

ISAI 26:21

Moh teh u, lei chyhsazy ama paraona vâta hrie awpa ta, Abeipa cha a yna tawhta vaw pua aw ta, Alei ta a chô liata thisaih palopazy palâhâh aw ta, Ano liata ama thiepazy nyu khao aw vei.

ZEREMIAH 29:23

Izarei râh liata hmo chhie ngaitapa taopa ta ama vaih lapinôzy liata a phei ei ta, bie ei pie leipa pi tlai ta, ei moh ta haipa biezy ama reipa vâta, cha hawhta taopa ama châ aw. Cha cha a pahnotuhpa nata a pahnokheituhpa ei châ,” Abeipa ta a tah.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

RAWMA 2:16

Thâtihpha ei reipa hawhna heta, Khazohpa ta Krista Zisu hmâpa ta chyhsapa bieruzy a pachia noh liata, cha hawhna chata a châ aw.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

RYHPACHANEINA 31:28

Nama chi to machâzy nata nama hyutuhpazy kei lâ a vy awpa ta awpakhy teh u. He bie zydua he ama nah theina liata reih aw na ta, ei bie nâ pahnokhei awpa ta avâ nata alei ei aw aw ei.