Sâhpiti kuapa, sâhpiti nata viahchao taw sa chhopazy cha la ta, ama hmiakô liata kei soh ta. Thokô ry liata ama nie chhôh ta ama kiapâh liata a duah ta.
kheihtizy, sâhpiti kuapazy, mietakuzy nata viahchao sâhpiti kuapazy Dâvi nata a hnohta chyhsa a ypazy nie awpa ta vaw cheih ei ta. “Zawpizy cha râhchawhpa liata ama nodi ta, panao hôlô ei ta, ama dâh a phi ngaita,” tahpa ama theipa vâta a châ.
Pheisaih hyutuhpa, abei ta a ku liata â pahniehpa ta Khazohpa chyhsa hnohta, “Abeipa ta avâ opyzy a pahypa chhao ta, cha hawhpa hmo cha a y thei aw ma?” tah ta. Khazohpa chyhsa ta, “Na mo tlai ta na hmô aw, châhrasala nie aw va chi,” tah ta.
A vy aw na ta, nâmo râh hawhta sâh nata kresawhti puana râh, viahchhâ nata kre sadôzy yna râh lâ ei châ chhi hlâlei ei cha, cha hawhta nama râh liata nama y lymâ aw.
Dyhchhiepa nata phahlapazy ta ti tlua ei ta, Châhrasala ti y leipa ta, Ama paleih dâhphipa ta a hi tyh. Kei, Abeipa heta âmo cha a chhy aw na ta, Kei, Izarei Khazohpa heta siesai aw veih ei na.
Hneirôhpa cha awh ta, ‘Ei paw Abarahâ y, na ngiachhie la, Lâzarâh kha a kudy pawhmao ti liata ny sala, ei paleih chakuasa awpa ta na vaw tuapa mah y. Meipaleih liana heta ei pasa ngaita,’ tah ta.