ZAWBÂ 2:4 - Mara Bible RV (BSI)

⁴ Sâtâ ta Abeipa cha a chhy ta, “Vo vyuhpa ta vo! Chyhsa ta a hrona châta a hneina zydua a pie pasaih aw.

ZAWBÂ 2:4 ပူးပေါင်းရင်းမြစ်များ

ÂTHAONA 47:17

Chatanachata ama sahrohzy cha Zawsi lâ a chhi ei ta, Zawsi ta ama arâzy, mietaku zawzy, viahchao hrizy nata alâzy mâ châta âmo cha sâh pie lymâ ta. Cha kô liata, ama sahroh zydua mâ châta âmo cha sâh pie ta.

ÂTHAONA 47:19

Khazia na mohmô liata keimo nata eima râh he eima thi aw? Keimo nata eima râh he sâh ta miah chalei teh. Keimo nata eima râh he Phiraoh chakaotuhpa ta eima y aw. Thi leipa ta eima hroh thei nawpa nata râh he roryhrapa ta a y lei nawpa ta, sâh chi miah pie mah y,” tah ei ta.

1 ABEIZY 20:31

A chakaotuhpazy ta a hnohta, “Tahmâ pachâ teh, Izarei pathla beizy cha chyhsa a ngiachhie thei ngaitapa bei ama châ tahpa eima thei. Latho poh a saipa ta, eima luh chaori ta buhpa ta Izarei bei lâ pua ei suh u. Na hrona a cha pahlôh thlâh ha ngyu aw,” tah ei ta.

ZAWBÂ 2:3

Abeipa chata Sâtâ hnohta, “Nâ chakaotuhpa Zawbâ thâtih na pachâ beih ma? Alei chô liata ano hawhpa rai y veih ei. Ano cha seina hnei leipa, chyhsa dopa, Khazohpa a chipa nata moleina a heihsaipa a châ. A chhâpa y leipa ta ano cha pahleipadia awpa ta na pasyu chi ta, châhrasala â dona cha â ipa ta khâ a patu,” tah ta.

ZAWBÂ 2:5

Tahmâ na ku pazawh la, a rupa nata a sapa hria la, hmiachhy ta chhie a cha sapa aw,” tah ta.

BIESOZY 13:8

Chyhsa ta a sôh ta a hrona a chatlai ta, Sipasapa deikua cha pachhiparyna a tyh vei.

ZEREMIAH 41:8

Ama hry liata chyhsa pahrawhzy deikua ta Ismela hnohta, “Miah thie khah y. Lyuzy liata âtâ sâh, bâli sâh, sathaw nata kheihti hluhpi nyupa eima hnei,” tah ei ta. Chavâta âmo cha ama vaw sielâhpazy a thiena liata thie hra leipa ta a pahlôh ha ei.

MATHAI 16:26

Chyhsa ta khizaw he a pôhpalôhpa ta hnei sala, a thlahpa a pahlei tlôh khiahta cha, a châta khâpa a phahnai aw? Cha leipa chhao ta, chyhsa ta a thlahpa vyuhpa ta khâpa a pie aw?

MATHAI 6:25

“Chavâta ei cha chho ei, nama hrona kyh liata nôpopa ta y leipa u la, nama nie awpa nata nama doh awpa kyh liata nôpopa ta y hra khah u. Nama pôhpa kyh liata nôpopa ta y leipa u la, namâ bu sai awpa kyh liata nôpopa ta y hra khah u. Niepa hlâta hrona sôh via ta, chysia hlâta pôhpa sôh via vei ma?

LUKA 12:23

Hrona he niedo kyh dei châ leipa ta, pôhpa he a bu a sai kyh dei châ vei.

ZAWSUA 9:24

Âmo ta Zawsua cha a chhy ei ta, “Râh zydua he nâmo cha pie awpa nata râh liata a pahrâpa zydua nama hmiakô tawhta pahleipadia khai awpa ta, Abeipa na Khazohpa ta a chakaotuhpa Mawsi hnohta bie a pie tahpa a sia ngaitapa ta pahno pi ta, nâmo vâta eima hrona pahlei awpa eima chi ngaita. Chavâta kha hawhta eima taopa a châ.