ZAWBÂ 2:11 - Mara Bible RV (BSI)

¹¹ Zawbâ viasa pathôhzy ta Zawbâ chô liata hmo pha leipa a tla thlupa zydua cha ama thei nahta, Temani chyhsa Elipha, Suhi chyhsa Bildâ nata Nâmâ chyhsa Zôpha zy cha ama yna su chyu tawhta a vy ei ta. A pahrua ei ta, Zawbâ ama pasakheina palâsa ta thlapalôh awpa ta hmaohkha ta vaw tlô ei ta.

ZAWBÂ 2:11 ပူးပေါင်းရင်းမြစ်များ

ÂTHAONA 25:2

Ano ta Abarahâ châta Zimrâ, Zôkasâ, Medâ, Midia, Isbâ nata Suah zy sapa ta.

ÂTHAONA 36:11

Eliphâ sawchapawzy cha, Temâ, Ômâ, Zephô, Kâtâ nata Kenâza zy ama châ.

ÂTHAONA 36:15

Hezy he Esaw pathla tawhta beizy ama châ: Esaw sawchapaw uhtheipa Eliphâ pathla tawhta Bei Temâ, Bei Ômâ, Bei Zephô, Bei Kenâza,

ÂTHAONA 36:34

Zôbabi a thi tawhta, Temâni râh chyhsa Husâ ta ano su liata â bei.

ÂTHAONA 37:35

A sawchapaw nata a sawchanô zydua ta ano thlapalôh awpa ta thyu ei ta. Châhrasala Zakaw ta ama thlapalôhna cha a pyh khoh leipa ta, “Châ vei, mâchhiesana chôta ei sawchapawpa hnohta Athihkhih lâ ei sie aw,” tah ta. Chatanachata a paw cha ano a ngiahpa ta cha tyh ta.

1 THÂTIHZYRONA 1:32

Abarahâ nôtho Keturâ pathlazy cha Zimrâ, Zôkasâ, Medâ, Midia, Isbâ nata Suah zy ama châ. Zôkasâ sawchapawzy cha Sebâ nata Dedâ zy ama châ.

1 THÂTIHZYRONA 1:45

Zôbabi a thi tawhta, Temâni râh chyhsa Husâ ta ano su liata â bei.

1 THÂTIHZYRONA 7:22

Ama paw Epharai cha noh hluhpi mâchhiesa ta, a unawhzy ano lâ sie ei ta, a thlah ama kei palôh.

ZAWBÂ 11:1

Nâmâ chyhsa Zôpha ta Zawbâ cha a chhy ta:

ZAWBÂ 13:4

Nâmo deikua cha, Nama bie liata haipa rôh hnia thlu ei chi ta; Nama zydua ta, Hmâ tlâh leipa dawhtyzy nama châ.

ZAWBÂ 15:1

Temani chyhsa Eliphâ ta a chhy ta:

ZAWBÂ 16:2

“Cha hawhpa hmo cha ei hluhpi ei thei haw, Nama zydua ta thlapalôhtuh pachâchhiechhihpa nama châ khai.

ZAWBÂ 16:20

Ei viasazy ta na zakhei ei ta, Ei mozy ta Khazohpa lâ mothlih ama pathla.

ZAWBÂ 18:1

Suhi chyhsa Bildâ ta a chhy ta:

ZAWBÂ 19:19

Ei viasa lôhkhyzy ta na pasi ei ta, Kyh ei pachâpazy ta einâ heihnao ei.

ZAWBÂ 19:21

Hy nâmo, ei viasazy saih u, Na ngiachhie u la, rie na ngiachhie muh vy; Khazohpa ku ta eina hria ha hih!

ZAWBÂ 4:1

Temani chyhsa Eliphâ ta a chhy ta:

ZAWBÂ 42:11

A unawhpa nata a sietanô zydua nata kha hlâta a hmiapahnopa zydua ano lâ a vy ei ta, a o liata a hnohta pati dôh ei ta. Abeipa ta a chô liata hmo pha leipa a patlôsapa zydua vâta taokheipa ta a thlapalôh ei ta. Tâkâ nata ngôh kusadizy pie chyu ei ta.

ZAWBÂ 42:7

Abeipa ta Zawbâ hnohta cha biezy cha a rei khai nahta, Abeipa ta Temani chyhsa Eliphâ hnohta, “Nâma nata na viasa panozy chô liata ei hie a hâh ngaita. Nâ chakaotuhpa Zawbâ hawhta ei thâtih â dopa ta reih veih ei chi.

ZAWBÂ 42:9

Chatanachata Temani chyhsa Eliphâ nata Suhi chyhsa Bildâ nata Nâmâ chyhsa Zôpha zy cha vawh ei ta, Abeipa ta bie a piepa hawhta kei tao ei ta, Abeipa ta Zawbâ thlahchhâna cha a pyh ta.

ZAWBÂ 6:14

“Viasa chô liata phana a palâsa leipa cha, Atotaotheipa china a heihsaipa a châ.

ZAWBÂ 6:19

Temâ sôhpaliepazy ta ti tlua ei ta, Sebâ khitlyhpazy ta ti hmô awpa ama hnabeiseih.

ZAWBÂ 8:1

Suhi chyhsa Bildâ ta Zawbâ cha a chhy ta:

BIESOZY 17:17

Viasa cha khatino rai ta kyhpachâ ta, Unawhpa deikua cha tymâna daihti châta a pihpa a châ.

BIESOZY 18:24

Viasa hluhpi hneipa cha raona châ thei ta, Châhrasala unawh hlâta â i viapa viasa a y.

BIESOZY 27:10

Nâma viasa nata na paw viasa a paphasai leipa la, Chhiena nâ tyhna noh ta na unawhpa o pangai khah y. Lâhlapi liata unawhpa hlâta cha, Lâhnia liata a y pa na opa phapa a pha via.

ISAI 51:19

He hmo miano heta cha vaw tlô thlu ta, Ahy ma na hna châ pangâh aw? Roryhrana nata paraona ta cha vaw tlô thlu ta, Ahy ma thlah châ palôh aw? Chakâhna nata zaozi ta cha vaw tlô thlu ta, Ahy ma thlah châ palôh aw?

ZEREMIAH 49:7

“Edômâ kyh liata, Pheisaihzy Abeipa ta hetana heta a tah: Temâ liata sona y khao vei ma? Asopazy ryhraona a chhâ ha ma? Ama sona a lei khai ha ma?

ÔBADIA 1:9

“Hy Temâ y, Na pasaiphazy ama palôh a dua aw; Esaw Tlâh liata chyhsa zydua thiepa châ aw ei ta, Chhawh pathlah khaipa ama châ aw.”

ZAWHÂNA 11:19

Ama rilâhpa mâchhie ama sapa thlapalôh awpa ta, Zu chyhsa hluhpi Marthâ nata Mâri o lâ a vy ei ta.

RAWMA 12:15

Alypazy a lykhei u la, achapazy chakhei teh u.

1 KAWRINI 12:26

Pachiahpa miakha pasa a tao tita, pachiahpa zydua ta taokhei ei ta, pachiahpa miakha palyupalihpa ta a y tita, pachiahpa zydua ta amâ lykhei tyh.

HEBRAI 13:3

Patâhna o liata atâhpazy cha, ama hnohta patâhna o liata y hrapa hawhta a pachâ u la, a thei thlâh ha muh vy. Riethei pataosapazy chhao, sapa ta a ypa nama châ hrapa vâta, a thei thlâh ha teh u.

ZAWSUA 15:41

Kederaw, Bedakô, Nâmâh, Mâkedâ, khihpi mia hrawh hleicharu nata ama khichapeihzy;