ZAWBÂ 16:8 - Mara Bible RV (BSI)

⁸ Na pazaoh khai ha chi ta, Ei zaohna cha ei châna pahnokheituhpa châ ta; Ei chaohna ta na thyuhnao ta, Hmiadaisâ ta eina leih hih.

ZAWBÂ 16:8 ပူးပေါင်းရင်းမြစ်များ

ZAWBÂ 10:17

Eina leihna chi pathieh chi ta, Ei chô liata na ruchhôna paru viapa ta, Pheisaihzy a hri hri ta eina tua thlu chi.

ZAWBÂ 17:7

Hiehâna ta ei mo pazoh ta, Ei pôhpa pachiahpa zydua chhao nohpahlipa hawh a châ bâ.

ZAWBÂ 19:20

Ei ruzy ei vo nata ei sapa liata a bai ha ei ta, Ei hâh vo deita ta a hrohpa ei châ bâ hih.

ZAWBÂ 33:21

A sapa zaohpa ta lei lymâ ta, A ru a lâ tyh leipazy chhao â lâ khai tyh.

HLAZY 106:15

Ama hiapa cha pie ta, Châhrasala ama hry liata chaohna hri a chareisa.

HLAZY 109:24

Chaheihna vâta ei pakhuzy a thachhâ ta, Ei sa a zaoh khai haw; Ei thawh tyhpa kha hmô awpa y khao vei.

ISAI 10:16

Chavâta Pheisaihzy Abeipa Zehôvâh ta, Asuria bei pasaipha thatlôpazy chô liata chaohna hri a patlôsa aw; Â papiparysana ry liata mei patipa châ aw ta, Meipaleih ta a kâ khai aw.

ISAI 24:16

Kaokih tawhta reithaina hlazy thei pi ta, Mo Siapa palyupalihna hla eima thei. Châhrasala kei ta hetana heta ei tah: “Ei chaoh haw, ei chaoh haw, Ei hu a po na! Ngâchhih leipazy ta ngâchhih leipa ta tao ei ta, Ngâchhih leipazy ta ngâchhihna ama pahlei haw.”

EPHESI 5:27

Chatanachata Awnanopa cha a puapa rai a kiah leipa, a vo a dao leipa nata cha hawhpa hmo rai a phaoh leipa châ thei aw ta, pathaihpa nata seina hnei leipa Awnanopa rônahpa châ awpa ta, Krista ano tlai ta a tao aw.

RUTHI 1:21

Abiepa ta pua na ta, Abeipa ta aruapa ta o lâ eina vaw padisa haw. Khazia Naomi khâ eina tah ei chi, Abeipa ta thailei na pachâ ta, Atotaotheipa ta ei chô liata chhiena a patlôsa ha hih,” tah ta.