ZAWBÂ 12:7 - Mara Bible RV (BSI)

⁷ “Râhsazy hiahri tua, Ama cha pachu aw; Vâ pavawzy hiahri tua, Ama cha chho aw;

ZAWBÂ 12:7 ပူးပေါင်းရင်းမြစ်များ

ÂTHAONA 1:21

Khazohpa ta tilaipi liata a pahrâpa hmohrohneipa lai ngaitapazy nata ti liata a pahrâpa hmohrohneipa chi to, âmo chi yzie lymâ hawhta tao ta. Mathlaw hneipa pavaw chi to chhao âmo chi yzie lymâ hawhta a tao hra. Khazohpa ta cha cha moh ta a pha tah kaw ta.

ÂTHAONA 1:25

Khazohpa ta râhsazy, osazy nata âlyhpasazy cha âmo chi yzie lymâ hawhta a tao ei. Khazohpa ta cha cha moh ta a pha tah kaw ta.

ZAWBÂ 12:6

Hraotuhpazy ama poh o liata thlalôhpa ta y ei ta, Ama ku ta ama khazoh chaba ta, Khazohpa hie pahâhpazy â bohpa ta ama y.

ZAWBÂ 12:8

Alei chhao chho tua, Cha pachu aw ta, Tilaipi ngazy ta na hnohta ama phuah aw.

ZAWBÂ 8:10

Chazy cha cha pachu veih ei ma, Cha chho beih veih ei ma, Ama pahnopa biezy reih veih ei ma?

BIESOZY 30:24

Alei chô liana heta hmo chyhpata mia palih y ta, Châhrasala ama so ngaita:

BIESOZY 6:6

Nâ thathipa, hloia lâ vawh la, A hroziezy moh la, so ha mah y.

ISAI 1:3

Viahchao tôhpa ta a hneituhpa pahno ta, Alâ ta a puhpa châki a pahno; Izarei deikua ta pahno leipa ta, Ei phopi ta a novâh vei.”

ZEREMIAH 8:7

Avâ liata riasi hmahta â pasie nawpa daihti pahno ta, Vachhuh nata siviah nata vawpô zy chhao, A daihtita liata ama vaw tlô tyh. Ei phopi deikua cha, Abeipa bieraopa pahno veih ei.

RAWMA 1:20

Mo ta hmô thei leipa a châna, a chhâzaw hmotaotheina nata a Khazoh châna zy cha, khizaw tao tua no tawhta hmôpa ta y ta, hmotaopazy liata a siapa ta â lâ. Chavâta rei nawpa hnei veih ei.