ZAWBÂ 12:15 - Mara Bible RV (BSI)

¹⁵ Tizy a patu ha khiah ei ta cha, Kua khai ei ta; A pathlie khiah ei ta cha, Leilô ama khu tyh.

ZAWBÂ 12:15 ပူးပေါင်းရင်းမြစ်များ

ÂTHAONA 6:13

Chavâta Khazohpa ta Nôah hnohta, “Hmohrohneipa zydua chhâna ei hmiakô liata a vaw tlô. Âmo vâta alei he thachahra hmâna ta bie ta, chavâta âmo cha alei duata ei pahleipadia khai aw ei.

ÂTHAONA 6:17

“Avâ ry liata hrona a hneipa zydua nata husona a hneipa to pahleipadia khai awpa ta, keima tlai ta alei chô liata tipaua patlôsa aw na ta, alei chô liata hmo to zydua ama leidia khai aw.

ÂTHAONA 7:11

Nôah hrona kô 600 a tloh kô, thla nona, noh hrawh hleisari noh, cha noh ta, Ti a thu ngaitapa hnawh zydua kaw pali ta, Avâ opy zydua â pahy khai haw.

ÂTHAONA 8:1

Châhrasala Khazohpa ta Nôah nata balyh liata a hnohta a ypa hmohrohneipa to nata sahroh zydua cha a thei thlâh ha ta. Chatanachata Khazohpa ta alei chô liata thlih pathlisa ta, tizy cha a sy pathao ei ta.

1 ABEIZY 17:1

Kilia râh Tisabi khih liata Tisabi chyhsa Elaizâh ta Ahabâ hnohta, “Ei chakao tyhpa Abeipa, Izarei Khazohpa hrona reipa ta ei reih. Kô khazie chhôh tlyma cha ei bie leipa ta diati nata vâsua rai tla aw vei,” tah ta.

1 ABEIZY 17:7

A noh hro viapa ta, râh liata avâ rai a sua leipa vâta, vahtiepa cha kua ha ta.

ZAWBÂ 12:10

A ku liata hmo hrohneipa to hrona y ta, Chyhsa zydua husona chhao a y.

ZAWBÂ 28:25

Thlih hnohta ahrina piepa ta, Tizy cha panua thai awpa ta tao ta;

ZEREMIAH 14:22

Pho hropa khazohzy hry liata, Avâ a pasuasa theipa ama y ma? Avâzy khi ta avâ ama pasuasa thei ma? Hy Abeipa eima Khazohpa, Avâ a pasuasa theipa cha nâ deita châ va chi ma? He hmo zydua he nâma taopa a châpa vâta, Nâma lia deita ta eima hnabeiseihna a y.

AMÔSÂ 5:8

Awhsicharu nata Vaothawlâpia zy tao ta, Thina nohpahli cha my pachâsa ta, Chhô chhao zâ zohpa ta taopa ta, Tilaipi tizy aw ta alei chô lia a patlaituhpa cha, A moh Zehôvâh a châ.

NÂHU 1:4

Tilaipi rapa ta pakua ta, Chavah zydua a pakua khai; Bâsanâ nata Kâmel raoh ei ta, Lebanaw pawpi a uah.

LUKA 4:25

Châhrasala biedopa ei cha chho ei. Elaizâh hro nota, kô thôh nata thla charu avâ a khaw ta, râh zydua liata chakâhna thata a tlô nona kha, Izarei liata nôhmei hluhpi ama y.

RYHPACHANEINA 11:17

Chata a châ khiahta cha, Abeipa pathi nama chô liata ia aw ta, avâ khaw aw ta, avâ sua leipa aw ta, alei ta thei pathei leipa aw ta, Abeipa ta râh phapa a cha piepa tawhta thlai nama leidia aw.

BIEPHUAH 11:6

Hrohsona bie ama rei chhôh noh zydua avâ suah lei awpa ta avâ khaw theina hmotaotheina ama hnei. Ama khona daihti maihta thisaih lâta pachâsa awpa ta tizy chô liata chhao biehnei ei ta, khizaw he potlana to ta hrie awpa ta bie ama hnei hra.