ZAWBÂ 12:10 - Mara Bible RV (BSI)

¹⁰ A ku liata hmo hrohneipa to hrona y ta, Chyhsa zydua husona chhao a y.

ZAWBÂ 12:10 ပူးပေါင်းရင်းမြစ်များ

ÂTHAONA 2:7

Chatawhcha Zehôvâh Khazohpa ta chhaohlei tawhta dohlei ta chyhsapa tao ta, a hnapasu liata hrona hu so thlu ta, chatanachata chyhsapa cha hrona hneipa a vaw châ haw.

ÂTHAONA 6:17

“Avâ ry liata hrona a hneipa zydua nata husona a hneipa to pahleipadia khai awpa ta, keima tlai ta alei chô liata tipaua patlôsa aw na ta, alei chô liata hmo to zydua ama leidia khai aw.

ZAWBÂ 27:3

Keima liata ei hu y chy ta, Ei hnapasu liata Khazohpa thlahpa a y chhôh cha,

ZAWBÂ 27:8

Khazohpa ta ano a pachâ leipa chhawh pathlah ta, A hrona a la tita, A châta khâpa hnabeiseihna ma a y?

ZAWBÂ 33:4

Khazohpa Thlahpa ta na tao ta, Atotaotheipa hu ta hrona eina pie.

HLAZY 104:29

Na hmia nyu chi ta, Thlazohpa ta y ei ta; Ama husona la chi ta, Thi ei ta dohlei lâta ama kua heih tyh.

HLAZY 104:30

Na Thlahpa tuah chi ta, Âmo cha paysapa châ ei ta, Chhaohlei hmia na pathieh heih tyh.

BIECHHOTUHPA 9:1

He kyh zydua he a chu pasiapa ta thata pachâ na ta. Mosiapa nata asopa hmotaopazy cha Khazohpa ku liata a ypa a châ tahpa ei pahno haw. Kyhpachâna kyh tlyma, ahaona kyh tlyma, chyhsapa ta pahno chhielie vei. A hmialâ daihti liata hmo a vaw y awpa sai a châ.

ISAI 42:5

Avâzy taopa ta parai ta, Alei nata a chhôh tawhta a puapazy pakawh ta, Alei chô liata a ypa chyhsazy hnohta husona piepa ta, A chô liata a chareipa chyhsazy hnohta thlahpa a pietuhpa, Khazohpa, Abeipa ta hetana heta a tah:

ISAI 57:16

Chhâzaw ta a dyuh leipa aw ei na ta, Ei pathi khâ ia aw vei. Chataleipatala thlahpa cha, Ei hmiakô lia tlai ta panao aw ta; Keima tlai ta ei taopa hrona hu chhao, A panao pathlei aw na.

DÂNIAH 5:23

Avâ Beipa cha tlao a palai thlu chi ta, a o liata nyuzy cha na hmiakô liata vaw cheih ei ta, nâma nata na beimachâzy, na lapinôzy nata na nôthozy ta kresawhti dona ta hmâh ei chi ta, a hmô thei leipa, a thei thei leipa nata pahnona a hnei leipa tâkâ khazohzy, ngôh khazohzy, dawh khazohzy, thua khazohzy, tho khazohzy nata alô khazohzy cha tlao reithai chi ta, na husona a ku liata a ypa nata na lâpi zydua a vaotuhpa Khazohpa hmâchhâh palyupalih va chi.

MALUHREINA 16:22

Mawsi nata Arawna cha â khu lâta pao ei ta, “Hy Khazohpa, sapa zydua thlahpa Khazohpa y, chyhsa pakha moleipa vâta zawpi zydua chô liata na pathi a ia aw mâ?” tah ei ta.

ZAWHÂNA 3:6

Sapa ta a pihpa cha sapa châ ta, Thlahpa ta a pihpa cha thlahpa a châ.

HMOTAOPAZY 17:25

Hmo a phahlapa hawhta, chyhsapa ku ta chakao a ngiahpa châ hra vei. Ano tlai cha chyhsa zydua hnohta hrona nata husona nata hmo zydua a pietuhpa tlao a châ.

HMOTAOPAZY 17:28

“Ano vâta hroh pi ta, A pielyu pi ta, Eima ypa a châ.” Nama hlaphôh phi thaipa thokha chhao ta, “‘Keimo chhao he, A pathlazy eima châ,’ tahpa ta ama reih hra.