ZAWBÂ 11:7 - Mara Bible RV (BSI)

⁷ “Khazohpa bienyupazy na pahno thei ma? Atotaotheipa chhâna na hmô thei ma?

ZAWBÂ 11:7 ပူးပေါင်းရင်းမြစ်များ

ZAWBÂ 22:12

“Khazohpa cha avâ sâhpa liata a ypa châ ta, Awhsi a sâh chaipazy khi moh la, Amâ sâhzie khi moh tua rai!

ZAWBÂ 26:14

Moh teh u, hezy he a lâpi chyhta palâsapa dei châ ta, A bieparu chyhta eima theipa dei a châ. Chavâta a hmotaotheina tôkalôhpa chhochhi cha, Ahy ma a pahno thei aw?” tah ta.

ZAWBÂ 27:11

Khazohpa hmotaotheina kyh cha pachu aw ei na ta, Atotaotheipa liata a ypa phih aw va na.

ZAWBÂ 33:12

“Moh teh, ei châ chhy aw, He kyh liata la a do va chi; Khazohpa cha chyhsapa hlâta rônah viapa mâh a châ tâh.

ZAWBÂ 33:13

Khazia ano cha chakhiapa ta, ‘Chyhsapa biezy la a chhy aw vei,’ na tah tly?

ZAWBÂ 35:5

Ua la, avâzy lâ khi sai tua, Nâ hlâta a sâh viapa meihdozy khi moh tua.

ZAWBÂ 36:26

Pachâ teh, Khazohpa cha rônah ngaita ta, Keimo deikua ta pahno ma pi; A kô ziepa chhao reipati theipa châ vei.

ZAWBÂ 37:23

Atotaotheipa cha hmô thei leipa pi ta, Ano cha hmotaotheina rônahpa a hneipa a châ; Adona nata siana hluhpi chhao hnei ta, Âdoleipa ta hmo tao beih vei.

ZAWBÂ 37:5

Khazohpa cha noâhchhihpa ta a ao pathuasa ta, Eima pahno pha leipa hmo rônahpazy a tao.

ZAWBÂ 42:3

‘Pahnona hnei leipa ta ei ryhraona a nyuthutuhpa cha, Ahy ma a châ tly?’ na tahpa hawh tlai ta, Ei novâh leipa biezy vaw reih na ta, Ei pahno leipa bie, kei châta noâhchhihpa biezy ei vaw reih ha tlai.

ZAWBÂ 5:9

Ano cha hmo rônahpa nata pahno pha leipazy taotuhpa châ ta, Hmo noâhchhihpa rei tiah leipazy taotuhpa a châ:

HLAZY 139:6

Cha tlu ta pahnona cha, Kei châta noâhchhihpa châ ta; A sâh tu ha ta, Ei pahnona ta a pha khao vei.

HLAZY 145:3

Abeipa cha rônah ta, Rônahpa ta reithai awpa a châ; A rônahzie cha, A laichadai khai thei rimâ awpa châ vei.

HLAZY 77:19

Na lâpi ta tilaipi siepahlie ta, Na lâthlôh ta ti lai ngaitapazy a siepahlie; Chatanachôta na pheihniezy hmô awpa y vei.

BIESOZY 30:4

Avâ lâ kiah ta a zâ chô heihpa cha ahy ma a châ tly? A ku ta thlih a chahupa cha ahy ma a châ tly? A poh ta ti a chatypa cha ahy ma a châ tly? Khizaw kaokih zydua a paduapa cha ahy ma a châ tly? A moh ahy ma a châ tly? A sawchapawpa moh ahy ma a châ tly? Na pahno mah tâh!

BIECHHOTUHPA 3:11

Ato ama daihti chyu liata â ngia ngaitapa ta taopa ta, chyhsapa palôh liata tlyzaw soh ta, châhrasala Khazohpa hmotaopa cha âthaona tawhta achhâna taihta pahno thei hlei vei.

BIECHHOTUHPA 7:24

Sona cha lâhlapi liata y ta, â pathu ngaitapa liata a ypa a châ. Ahy ma a hmô thei aw?

ISAI 40:28

Pahno beih va chi ma? Thei beih va chi ma? Abeipa cha tlyzaw Khazohpa châ ta, Khizaw kaokih a Taotuhpa mah a châ tâh. Panao beih leipa ta, A thachhâ beih vei; A novâhzie chhao, A laichadai thei awpa rimâ châ vei.

MATHAI 11:27

Ei Paw ta ato zydua eina hlâ haw. Paw dei leipa ta cha, ahy hmahta Sawchapawpa he pahno leipa ei ta, Sawchapawpa nata ano ta a hnohta a palâhâhpa tah dei leipa ta cha, ahy hmahta Paw pahno veih ei.

RAWMA 11:33

Hy â thu kaw dia, Khazohpa hneirôna, Sona nata pahnona zy cha! A ryureinazy pahno thei awpa châ leipa ta, A lâpizy chathô thei awpa châ vei.

1 KAWRINI 2:10

Keimo hnohta deikua cha, Khazohpa ta a Thlahpa hmâpa ta a phuah haw. Thlahpa cha ato pahno ta, Khazohpa palôh chhôh chaipazy a pahno.

1 KAWRINI 2:16

“Ahy ma Abeipa palôh pahno ta, ano cha a pachu thei aw?” Keimo deikua la Krista palôh eima phaoh.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.